Counter-Strike 2 тоглоомын шилдэг багуудын өрсөлддөг BLAST Rivals Fall 2025 тэмцээн өнөөдөр Хонконгт эхэллээ. Монгол Улсаас “The MongolZ” баг энэхүү тэмцээнд дэлхийн чансаагаар уригдан оролцож байгаа бөгөөд тэмцээнийг 1xBet компани албан ёсоор ивээн тэтгэж байна.
А хэсгийн хүчтэй өрсөлдөгчид
“The MongolZ” баг энэ тэмцээнд А хэсэгт хуваарилагдсан бөгөөд дараах гурван хүчирхэг өрсөлдөгчтэй тоглох хуваарьтай байна:
- ОХУ-ын Team Spirit
- Саудын Арабын Team Falcons
- Украины Passion UA
Эхний тоглолтын үр дүн
Монголын баг хэсгийн анхны тоглолтоо Украины “Passion UA” багийн эсрэг Best of 3 (BO3) буюу гурван мапаар тоглох форматаар хийж, 1:2 харьцаатайгаар ялагдсан байна.
- “The MongolZ” анхны Overpass мап дээр нэмэлт үе гаргаж 16:14-өөр ялалт байгуулсан.
- Гэвч дараагийн хоёр мап дээр “Passion UA” илүүрхэж ялалт байгуулснаар тоглолтыг 2:1 харьцаатайгаар өндөрлүүлэв.
Энэ ялагдлаар “The MongolZ” хэсгийн дүнгээрээ дөрөвдүгээр байрт бичигдсэн бол “Passion UA” анхны ялалтаа авсан байна.
Дараагийн тоглолт
Манай баг маргааш 12:30 цагт ОХУ-ын “Team Spirit” болон Саудын Арабын “Team Falcons” багийн ялагдагчийн эсрэг тоглоно. Энэ тоглолт нь “The MongolZ”-ийн хувьд хасагдахгүйн төлөөх чухал тулаан байх юм.
