Adobe компани iOS болон Android үйлдлийн системд зориулсан Photoshop програмын шинэчилсэн хувилбарыг танилцууллаа. Энэхүү хувилбар нь мэдрэгчтэй дэлгэцэд тохируулан хөгжүүлэгдсэн бөгөөд ширээний компьютер дээрх мэргэжлийн түвшний функцүүдийг гар утсанд авч ирснээрээ онцлог юм. Wired-ийн мэдээлснээр энэ шинэчлэл өмнөх оролдлогуудыг бодвол бүрэн боломжуудтай болжээ.
Үндсэн онцлогууд:
Шинэ Photoshop програм дараах гол боломжуудыг санал болгож байна:
- Давхарга болон маск ашиглах
- Хурдан засварлах (Quick Actions) горим
- Сонголт хийх олон төрлийн хэрэгсэл
- Мэргэжлийн түвшний засварын багажууд
- Хиймэл оюун ухаанд суурилсан дүүргэлт
Гар утасны платформ дээрх үнэ, боломжууд
- iOS дээр суулгах нь үнэ төлбөргүй боловч бүх функцэд хандахын тулд захиалгат төлөвлөгөө (сар бүр $7 эсвэл Photoshop-ийн аль нэг багц) шаардлагатай.
- Android хэрэглэгчид бета хувилбарыг үнэгүй турших боломжтой ба албан ёсоор гарсны дараа төлбөртэй загварт шилжинэ.
“Хурдан үйлдэл” — нэг товшилтоор боловсруулалт
Зургийг нээсний дараа Quick Actions функц идэвхжиж, дараах автомат ажиллагаануудыг санал болгодог:
- Арын дэвсгэрийг устгах – гол объект автоматаар тодорч, үлдсэн хэсэг алга болно.
- Өнгөт дэвсгэр нэмэх – өөрчилж болох үндсэн өнгийн дэвсгэр сонгоно.
- Хар ба цагаан эффект – объект өнгөт хэвээр үлдэж, бусад хэсэг bw болно.
Програм автоматаар давхарга үүсгэж, тэдгээрийг тус тусад нь өөрчлөх боломжтой.
Давхарга, маск: Мэргэжлийн түвшний уян хатан байдал
Давхаргын менежмент мэргэжлийн төвшинд хүрсэн бөгөөд хэрэглэгч дараах үйлдлүүдийг хийж чадна:
- Шинэ давхарга үүсгэх: хатуу өнгө, градиент
- Тохиргооны давхарга нэмэх: өнгө, гэрэлтэлт, контраст
- Маск үүсгэх ба гараар засварлах
- Давхаргыг нэгтгэх, устгах, давхарлах боломж
Сонголт хийх хэрэгслүүд — нийт 7 төрөл
Сонголт хийх талбарт дараах 7 хэрэгсэл багтсан:
- Түргэн сонгох сойз
- Шидэт саваа
- Объект дээр товшин сонгох
- Дүрсээр (тэгш өнцөгт, дугуй гэх мэт)
Сонголт хийсний дараа хэрэглэгч:
- Fill with AI – Хиймэл дүүргэлт ашиглах
- Adjustments – Гэрэл, тод байдлыг өөрчлөх
- Convert to Mask – Маск болгон хувиргах
- Сонголтыг урвуулах, тэлэх, багасгах
Засварлах хэрэгсэл, сойз ба баллуур
Photoshop Mobile нь дараах хэрэгслүүдтэй:
- Healing brush – Толбо арилгах
- Clone stamp – Элемент хуулбарлах
- Lighten/Darken – Гэрэл, сүүдэр өөрчлөх
- Brush tool – Хэмжээ, тунгалаг байдал, өнгө сонголттой зурах
- Eraser – Давхаргын хэсгийг арилгах
- Zoom – Хоёр хуруугаар томруулах
Мөн Undo/Redo товч бүхий засварын хяналт, чийдэнгийн дүрстэй зөвлөмжийн систем, баруун дээд буланд байрлах Settings цэснээс төслийг хадгалах боломжтой.
Adobe Photoshop-ийн энэхүү шинэ хувилбар нь гар утаснаас мэргэжлийн зураг засвар хийх бололцоог бодитоор бий болгож, зураг засварлагчид болон бүтээлч хэрэглэгчдэд зориулсан шинэ эринд шилжүүлж байна.
