Ангараг гаригийн гаралтай, дэлхий дээр олдсон хамгийн том солирын хэлтэрхий удахгүй “Sotheby’s” дуудлага худалдааны төвөөс 2–4 сая ам.долларын хооронд зарагдах гэж байна. Энэхүү ховор олдворыг ирэх Лхагва гаригт болох “Geek Week 2025” арга хэмжээний үеэр худалдаална.
Ховор хэлтэрхий: 25 кг жин, Ангарагийн гарал үүслээ баталсан
- Хэмжээ: 375 х 279 х 152 мм
- Жин: 25 кг
- Өнгө: Улаан, хүрэн, саарал
- Гарал үүсэл: Ангарагийн гадаргуугаас аврага астероидын цохилтоор тасарсан
- Уналтын газар: Сахарын цөл
- Илэрсэн огноо: 2023 оны 11 сар
- Хадгалагдаж байсан газар: Италийн Сансрын агентлагийн үзэсгэлэнд
Судлаачдын баталж байгаагаар, энэ солир нь 225 сая километр зайг туулж, эцэст нь манай дэлхийд хүрсэн байна. Солирын химийн найрлагыг 1976 онд Ангарагаас илгээсэн судалгааны дээжтэй харьцуулан шинжилж, гарал үүслийг нь албан ёсоор баталгаажуулжээ.
Дэлхий дээр Ангараг гаригийн солир ховор
Өнөөдрийн байдлаар дэлхийн хэмжээнд 77,000 гаруй солир бүртгэгдсэн байдаг ч тэдгээрийн ердөө 400 орчим нь Ангараг гаригийн гаралтай гэж үзэгддэг. Иймд энэхүү олдвор нь онцгой, ховор нандин үнэт зүйлд тооцогдож байна.
Харьцуулбал, өмнө нь олдсон Ангарагийн хамгийн том хэлтэрхий нь энэ удаагийнхаас 70 хувиар жижиг байжээ.
Geek Week 2025 — шинжлэх ухаан сонирхогчдын тансаг оройн худалдаа
“Sotheby’s”-ийн зохион байгуулж буй “Geek Week 2025” арга хэмжээ нь шинжлэх ухаан, технологи, одон орон сонирхогчдын хувьд чулуулаг, солир, чулуужсан биет, ховор элемент зэрэг 122 төрлийн гайхамшигт үзмэрийг дуудлагаар худалдах онцгой үйл явдал юм.
