Apple компани 2027 онд Vision Air нэртэй холимог бодит нүдний шилний шинэ загварыг танилцуулахаар бэлтгэж байна. Энэхүү төхөөрөмж нь өнөөгийн Vision Pro-оос илүү хөнгөн жинтэй, боломжийн үнэтэй хувилбар болох аж.
Шинэ загварын онцлогууд:
- Жин: 360 гр орчим (Vision Pro-оос 40%-иар хөнгөн)
- Үнэ: ~1500 ам.доллар (одоогийн үнээс даруй 50%-иар хямд)
- Материал: Титан хайрцаг ашиглана. Титан нь хөнгөн цагаанаас жинтэй ч илүү бат бөх тул бүтцийн зарим элементийг хасч, бусад хэсгийн зузааныг багасгах боломжтой.
Vision Air-ийн хавтгай линзийг Тайваний General Interface Solution (GIS) компани онцгой эрхтэйгээр нийлүүлэх бөгөөд GIS одоогоор Vision Pro болон удахгүй гарах шинэ хувилбарын шил цоолборлож байгаа юм. Apple эхний жилдээ 1 сая орчим Vision Air нийлүүлэх зорилготой байгаа нь анхны Vision Pro-ийн 400 мянгаас ч хэд дахин их тоо болж байна.
Шинжээчдийн таамаглаж буйгаар Vision Air нь M5 процессор дээр ажиллах магадлалтай. Энэ нь Apple-ийн илүү дэвшилтэт чипийг ашиглаж буйг илтгэж байгаа бөгөөд компанийн хувьд орон зайн тооцооллын экосистемийг өргөжүүлэх, илүү олон хэрэглэгчдэд хүргэх “массын зах зээлийн” бүтээгдэхүүн болох зорилготой байна.
