Apple компани нимгэн хийцтэй iPhone 17 Air загварын хамгаалалтын шийдлийг онцгойлон боловсруулж байгаа талаар мэдээлэл гарлаа. Тус компани анх iPhone 4 дээр хэрэглэгдэж байсан “бампер” төрлийн кейсийг дахин нэвтрүүлэхээр дотоод туршилтад оруулжээ.
Шинэ бампер кейс нь утсыг унах үед гадны цохилтоос хамгаалж, төхөөрөмжийн хэмжээг бараг өөрчлөхгүйгээр хэрэглэгчидэд бат бөх хамгаалалтыг санал болгох давуу талтай.
Алдагдсан мэдээллээр, Apple уламжлалт силикон кейснээс илүү дээд зэрэглэлийн хувилбар боловсруулах дээр ажиллаж байгаа бөгөөд прототип нь зөвхөн хажуу талыг бүрэн хааж, арын хэсгийг онгорхой үлдээсэн байна. Энэ нь iPhone 17 Air-ийн дизайны гоёмсог дүр төрхийг хадгалах зорилготой аж. Гэсэн хэдий ч арын самбар зурааснаас хамгаалагдахгүй үлдэх сул тал бий.
Apple-ийн энэхүү шинэ хэрэгсэл худалдаанд гарах эсэх нь хараахан тодорхойгүй байгаа ч хэрэглэгчдийн сонирхлыг ихээхэн татаж эхэлжээ.
