Bloomberg-ийн сэтгүүлч Марк Гурманы мэдээлснээр, Apple компани Apple Vision Pro төхөөрөмжийн анхны шинэчлэгдсэн хувилбарыг энэ оны сүүлээр танилцуулах гэж байна. Энэхүү хоёрдугаар үеийн Vision Pro нь M4 чиптэй гарч ирэх бөгөөд анхны загварт байсан M2 чиптэй харьцуулахад гүйцэтгэлийн томоохон сайжруулалт авчрах гэнэ.
Илүү тав тухтай оосортой шинэ дизайн
Хэдийгээр шинэ загварын жин нь өмнөх хувилбараас мэдэгдэхүйц өөрчлөгдөхгүй ч Apple компани хэрэглэгчдийн хамгийн их гомдоллодог хүнд байдал, хүзүү, толгойн ачаалал зэрэг асуудлыг шийдвэрлэхээр шинэчилсэн оосрын загвар боловсруулсан байна. Энэ нь урт хугацаагаар зүүхэд илүү эвтэйхэн байхыг зорьжээ.
Одоогийн Vision Pro нь Solo Knit болон Dual Loop гэсэн хоёр төрлийн оосортой ирдэг. Сурталчилгаанд түлхүү ашиглагддаг Solo Knit нь харагдах байдал сайтай ч, олон хэрэглэгч өдөр тутам Dual Loop-ийг илүүд үздэг. Учир нь энэ загвар нь толгойг олон цэгээр барьж, даралтыг тэнцвэржүүлдэг.
Apple шинэ загварын оосрыг хэрэглэгчдийн туршлага дээр үндэслэн, загварлаг бөгөөд илүү тав тухтай хэлбэрээр шинээр бүтээжээ.
Vision Pro 2 бол түр зуурын шинэчлэл
Vision Pro 2 нь томоохон өөрчлөлт бус, харин зууч маягийн шинэчлэл гэж үзэж байна. Үндсэн үнэ болох $3,499 хэвээр үлдэх тул хэрэглэгчдийн эрэлтэд шууд нөлөөлөх магадлал бага ч, шинэ visionOS 26 үйлдлийн системтэй хосолсон M4 чип нь hardware-ийн үндсэн суурийг шинэчилж өгнө.
Жин багатай, хямд загвар 2027 онд хүлээгдэж байна
Гурманы мэдээлснээр, хямд, илүү хөнгөн Vision Pro загвар нь 2027 оны төлөвлөгөөнд багтаж буй. Энэ нь шинжээч Мин-Чи Куо-гийн өмнөх таамаглалтай ойролцоо байгаа ч, Куо 2025 оны загварыг M5 чиптэй гэж үзэж байсан бол Гурман M4 чип ашиглана гэж онцолжээ.
1 сэтгэгдэл
M4 чип нь гайхалтай, илүү хүчирхэг график, програм хангамж нь илүү жигд ажиллах болно