Apple компанийн дараагийн ухаалаг цаг болох Apple Watch Ultra 3-ын танилцуулга ойртож, энэ төхөөрөмжийн тухай цуу яриа, хүлээлтүүд олны анхаарлыг татаж эхэллээ. Хоёр жил ямар нэг техник хангамжийн шинэчлэл хийгдээгүй Ultra загварын гурав дахь үе удахгүй 2025 оны есдүгээр сард олон нийтэд танилцуулагдахаар төлөвлөгдөж байгаа бөгөөд дараах шинэчлэлт, боломжууд хүлээгдэж байна.
Хүлээгдэж буй гол шинэ боломжууд:
- Хиймэл дагуулын холболт: Wi-Fi эсвэл үүрэн сүлжээ байхгүй үед мессеж илгээх, хүлээн авах боломжтой болох магадлалтай.
- 5G дэмжлэгтэй холболт: LTE технологийн оронд илүү хурдан, тогтвортой 5G сүлжээ дэмжигдэнэ гэсэн хүлээлт бий.
- Шинэ OLED дэлгэц: Өргөн өнцгийн, илүү гэрэл гэгээтэй OLED дэлгэцээр тоноглогдож, “always-on” горимд өндөр сэргэлтийн хурд санал болгоно.
- Илүү хүчирхэг чип: Цагны гүйцэтгэл, хариу үйлдлийг сайжруулах зорилгоор S10 эсвэл түүнээс дээш түвшний чип суурилуулагдана гэж таамаглаж байна.
- Цусны даралт хянах боломж: Apple энэ тал дээр ажиллаж байгаа ч Ultra 3 загварт багтах эсэх нь тодорхойгүй хэвээр байна.
Дизайн, өнгөний шинэчлэл
Өнгөрсөн жил танилцсан Ultra 2 загвар хар титан бүрэлттэй хувилбар нэвтрүүлсэн бол энэ жил шинэ өнгө, илүү бат бөх хийц хүлээгдэж байгаа ч дизайн талаасаа маш их өөрчлөлт гарах магадлал бага хэмээн эх сурвалжууд мэдээлж байна.
Apple Watch Ultra 3 нь айхавтар томоохон өөрчлөлт хийхгүй ч техникийн хувьд шинэ шатанд гаргах сайжруулалтууд-аар дүүрэн байх төлөвтэй. Цусны даралт, хиймэл дагуулын холболт зэрэг онцлог шинжүүд ирээдүйн хувилбаруудын суурийг тавьж ч мэдэх юм.
