Хятадын Шиань хотын Тээврийн их сургуулийн эрдэмтэд нейротехнологид суурилсан, бодлоор удирддаг дөрвөн хөлт робот нохойг танилцууллаа. Төслийг профессор Шюй Гуанхуа ахалж хэрэгжүүлсэн байна.
Тархиар удирдах шинэ технологи
Энэхүү систем нь хэрэглэгчийн тархины дохиог ашиглан роботод команд өгөх боломжийг бүрдүүлжээ. Робот нохой:
- замаа бие даан төлөвлөх
- саадыг тойрон гарах
- зорьсон байршилдаа хүрэх
чадвартай болсон байна.
Профессор Шюй Гуанхуа: “Өмнө нь бид тархины цахилгаан бичлэгийн дохиогоор роботын үндсэн хөдөлгөөнийг удирдаж байсан бол одоо мэдрэлийн удирдлагыг автомат навигацитай нэгтгэлээ” гэж мэдэгджээ.
Чип суулгах шаардлагагүй
Технологийн гол онцлог нь инвазив бус тархи-компьютерийн интерфейс ашиглаж байгаа явдал юм. Өөрөөр хэлбэл:
- тархинд чип суулгах шаардлагагүй
- нейроны цахилгаан идэвхжлийг уншина
- дохиог команд болгон хувиргана
Хэрэглээний боломж
Профессор Шюй Гуанхуа: “Ирээдүйд робот нохой нь хөгжлийн бэрхшээлтэй хүмүүсийн туслагч болж чадна. Мөн ахмад настнуудыг асрах, эмнэлгийн тусламж үзүүлэх, нөхөн сэргээх дасгалд ашиглах боломжтой” гэж онцолсон байна.
