StarLadder Budapest Major-2025 плей-оффын эхлэл
Цахим спортын “Counter-Strike 2” тоглоомын энэ оны хоёр дахь Дэлхийн аварга шалгаруулах тэмцээн болох StarLadder Budapest Major-2025 тэмцээний плей-офф шат өнөө шөнө Унгарын Будапешт хотод товлогджээ. Ингээд “шөвгийн найм” үлдсэн багууд дэлхийн аваргын цом, чансааны оноо, шагналын сангийн төлөө шууд хасагдах тоглолтуудаа эхлүүлэх гэж байна.
Шөвгийн наймд үлдсэн найман гранд
Playoffs шатанд дараах багууд шалгарсан байна:
- Бразилын FURIA
- ОХУ-ын Team Spirit
- Францын Team Vitality
- Германы MOUZ
- Монгол Улсын The MongolZ
- Саудын Арабын Team Falcons
- Украины Natus Vincere
- Европын FaZe Clan
Эдгээр нь CS2-ийн өнөөгийн хамгийн тогтвортой, том тэмцээн бүрт шөвгийн байр эзэлж чаддаг элит түвшний бүрэлдэхүүнүүд юм.
The MongolZ vs Team Vitality: 03:00 цагийн Bo3 шийдвэрлэх тулаан
Монголын нэрийн хуудас болсон The MongolZ баг өнөө шөнө 03:00 цагаас Францын Team Vitality багтай Best of 3 (Bo3) форматаар тоглохоор болсон. Энэхүү тоглолтод ялсан баг нь шууд шөвгийн дөрөвт дэвшиж, ялагдсан баг тэмцээнээ энэ шатаар өндөрлүүлэх учраас ямар ч алдаа уучлагдахгүй өндөр даралтын тоглолт болох нь гарцаагүй.
The MongolZ баг өмнөх шатанд map бүр дээрээ уян хатан тактик, идэвхтэй довтолгоо, хяналт сайтай хамгаалалтаараа ялгарч, плей-оффын эрхийг өөрийн тоглолтоороо баталгаажуулж чадсан билээ.
Дараагийн шатанд хэнтэй тулгарах вэ?
Хэрэв The MongolZ өнөө шөнө Vitality-г дийлбэл шөвгийн дөрөвт ОХУ-ын Team Spirit болон Саудын Арабын Team Falcons багуудын хооронд болох тоглолтын ялагчтай тоглоно. Энэхүү тоглолтыг энэ долоо хоногийн Ням гарагийн шөнө 03:00 цагт хийхээр товлосон бөгөөд ингэснээр финал руу дөхөх зам яг энэ хоёр тоглолтын дүнгээс хамаарах юм.
Vitality-тай сүүлчийн учрал: Esports World Cup 2025 дахь ялалт
The MongolZ болон Team Vitality багууд хамгийн сүүлд өнгөрсөн наймдугаар сард Саудын Арабт болсон Esports World Cup 2025 тэмцээний шөвгийн дөрөвт таарсан. Тэр үед манай залуус 2:1 гэсэн харьцаатай хожиж, франц өрсөлдөгчөө тэмцээнээс шүүж байлаа. Түүнээс гадна The MongolZ тухайн тэмцээнд түрүүлж, Монголын цахим спортын түүхэнд тодоор бичигдэх амжилтыг гаргасан.
Тиймээс Budapest Major-2025 дээрх өнөө шөнийн тоглолт нь Vitality-ийн хувьд өшөөгөө авах, харин The MongolZ-ийн хувьд өмнөх ялалтаа бэхжүүлэх, дахин нэг удаа дэлхийн тавцанд өөрсдийгөө нотлох боломж болж байна.
Ивээн тэтгэгчийн дэмжлэг
The MongolZ-ийн олон улсын тайзан дээр тогтвортой оролцох, томоохон тэмцээн бүрт чансаатай тоглолт үзүүлэхэд мэргэжлийн дэд бүтэц, санхүүгийн тогтвортой дэмжлэг чухал үүрэгтэй. Багийн албан ёсны ивээн тэтгэгчээр 1xBet Монголоос ажиллаж, бэлтгэл сургуулилт, тэмцээний ачилт, лигүүдэд тогтмол оролцох боломжийг нь дэмжиж байна.
