ChatGPT таны оронд шоппинг хийх үү? OpenAI “Худалдан авалтын судалгаа”-г нээлээ

33

ChatGPT одоо бүтээгдэхүүн хайж, танд тохирсон сонголт санал болгоно

OpenAI ChatGPT-д шинэ “Худалдан авалтын судалгаа” (Shopping Research) нэртэй боломжийг нэмснээр хиймэл оюун ухаанаа бүрэн хэмжээний шоппинг ассистент болголоо. Шинэ хэрэгсэл нь бүх хэрэглэгчдэд, тэр дундаа үнэгүй хувилбар хэрэглэгчдэд ч нээлттэй байгаа нь онцлог.

Энэ функцийн ачаар ChatGPT таны хэрэгцээ, сонирхол, төсөвт тохируулан бүтээгдэхүүн хайж, хувь хүнд суурилсан зөвлөмж гаргах чадвартай болж байна.

Яаж ажилладаг вэ?

Шинэ хэрэгслийн ажиллагаа харьцангуй энгийн боловч дотоодод нь нарийн процесс өрнөдөг. Хэрэглэгч та:

• Юу хайж байгаагаа, ямар зориулалттай, ямар төсөвтэй, ямар онцлог хүсэж байгаагаа бичиж өгнө.
• ChatGPT тань руу буцааж асуулт тавин, тодорхой мэдээллийг нэмж цуглуулна.
• Үүний дараа интернетээс холбогдох эх сурвалж, үнэлгээ, техникийн үзүүлэлт зэрэг мэдээллийг шинжилж, харьцуулалт хийнэ.

Эцэст нь та олон сайт нэг бүрчлэн ухах шаардлагагүйгээр сонголт болгон дээр:

• гол давуу болон сул тал,
• ямар хэрэглээнд илүү тохирох,
• танд яагаад таарах магадлалтай

гэх мэт тайлбар бүхий шүүгдсэн, системчилсэн жагсаалт хүлээн авах боломжтой.

Юунд илүү тохиромжтой вэ?

“Худалдан авалтын судалгаа” нь ялангуяа:

• электроник,
• гэр ахуйн цахилгаан хэрэгсэл,
• гэр ахуйн бараа,
• спортын хэрэгсэл,
• гоо сайхны бүтээгдэхүүн

сонгох үед хамгийн хэрэгтэй туслагч болохоор бүтээгджээ.

ChatGPT зөвхөн “энэ бүтээгдэхүүнийг ав” гэж хэлэхээс илүү, яагаад таны нөхцөлд энэ хувилбар илүү оновчтой байж болохыг тайлбарлаж өгнө. Ингэснээр таны худалдан авалт “санаанд орсон, сэтгэлийн хөөрлөөр авсан” биш, харин ойлгомжтой мэдээлэлд тулгуурласан, ухамсартай сонголт болж хувирна.

Худалдан авалтыг хаана хийдэг вэ?

Бүтээгдэхүүнийг ChatGPT өөрөө зардаггүй. Сонгосон бараагаа авахын тулд та:

• ChatGPT-ээс гарч,
• тухайн худалдаачны вэбсайт руу шилжиж,

ердийнхөөрөө захиалга хийдэг хэвээр.

Гэхдээ OpenAI ирээдүйд шууд ChatGPT платформ дотор захиалга өгөх боломжийг нэмж магадгүй гэж мэдэгдээд байна. Энэ тохиолдолд ChatGPT зөвхөн зөвлөмж өгөхөөс гадна “нэг цонхны” шоппингийн платформ болох зам руу дөхөх юм.

Хэн ашиглахад хамгийн тохиромжтой вэ?

Шинэ “Худалдан авалтын судалгаа” нь:

• удаан шоппинг хийх дургүй,
• олон вклад, сайт дундаас төөрөхийг хүсдэггүй,
• гэхдээ мэдээлэлтэй, зөв шийдвэр гаргахыг хүсдэг хүмүүст яг таарсан функц.

Ингэснээр ChatGPT:

• нэг талаас хайлтын систем,
• нөгөө талаас хувийн худалдааны зөвлөхийн хоёр үүргийг зэрэг гүйцэтгэж,
  худалдан авалтыг хурдан, ойлгомжтой, стресс багатай болгохыг зорьж байна.