Mozilla компани Firefox хөтчийн хаягийн мөрийг бүрэн хэмжээний ухаалаг туслах болгон хувиргах шинэ функцийг туршиж эхэлжээ. Энэхүү шинэчлэлээр хэрэглэгчид энгийн хайлтын хуудсыг нээх шаардлагагүйгээр хаягийн мөрөнд шууд мэдээлэл авч чадна.
Хайлтын хуудас нээх шаардлагагүй боллоо
Шинэ “ухаалаг зөвлөгөө” хэсэг нь хэрэглэгчийн асуултад богино, тодорхой хариулт өгдөг.
Жишээлбэл:
- “AC 8170” гэж бичихэд тухайн нислэгийн маршрут, хөөрөх цаг, ирэх хугацаа, статус зэрэг мэдээлэл шууд гарч ирнэ.
- Компани, үйлчилгээ, бүтээгдэхүүн хайх үед товч мэдээлэл шууд хаягийн мөрөнд харагдана.
Нууцлал хамгаалал шинэ түвшинд
Өмнө нь ийм төрлийн ухаалаг функц нэвтрүүлэх оролдлого нууцлалын асуудлаас болж бүтэлгүйтэж байсан. Хэрэглэгчийн өгөгдөл сервер рүү илгээгдэх шаардлагатай байсан учраас Mozilla илүү найдвартай шийдэл боловсруулжээ.
Шинэ систем нь OHTTP (Oblivious HTTP) технологид тулгуурлаж, хэрэглэгчийн IP хаягийг нууцалдаг.
- Хүсэлтийг эхлээд шифрлэж, Fastly сервер рүү илгээдэг.
- Дараа нь хэрэглэгчийн хэн болохыг танихгүйгээр Mozilla-д дамжуулдаг.
Зар гарч ирж болох ч таны мэдээлэл аюулгүй
Mozilla “ухаалаг зөвлөгөө”-нд зар сурталчилгаа гарч болохыг хүлээн зөвшөөрсөн ч хэрэглэгчийн хувийн мэдээлэлд хэн ч хандахгүй гэж мэдэгджээ. Хөтөч болон сурталчилгаа эрхлэгч талууд аль хэрэглэгч зар харж байгааг тодорхойлох боломжгүй юм.
Шинэчлэл эхний ээлжинд АНУ-д туршигдаж байна
Одоогоор уг функц нь АНУ дахь цөөн хэрэглэгчдэд туршилтын журмаар нээлттэй байгаа бөгөөд Mozilla ирэх саруудад үе шаттайгаар өргөжүүлэхээр төлөвлөжээ.
