15
Google Translate нь хэл суралцах боломжуудыг өргөжүүлсэн томоохон шинэчлэлтээ зарлалаа. Энэ өөрчлөлтөөр аппликейшн зөвхөн орчуулгын хэрэгсэл байхаа больж, хувь хүний хэрэгцээнд тохирсон хэл сурах платформ болж хувирч байна.
Хувь хүний хэрэгцээнд нийцсэн хичээлүүд
- Шинэ функц нь хэрэглэгчийн түвшин болон зорилгод суурилан (аялал, ажил, өдөр тутмын амьдрал, найз нөхөдтэй харилцах гэх мэт) тусгай хичээл бэлтгэдэг.
- Жишээ нь, “гадаадад сурч байхдаа гэр бүлтэйгээ үдийн хооллох” нөхцөл байдлыг сонгон, харилцан ярианы дасгал хийх эсвэл сонсож сурах боломжтой.
- Дадлага хийх явцад хэрэглэгч өдөр тутмын ахиц дэвшлээ хянаж, гадаад хэл дээр илүү итгэлтэйгээр харилцах ур чадвараа хөгжүүлнэ.
Google-ийн бүтээгдэхүүний менежер Мэтт Шийтс хэлэхдээ:
“Эдгээр дасгалууд нь өдөр тутмын ахиц дэвшлийг хянаж, өөр хэл дээр итгэлтэйгээр харилцаа холбоо тогтооход тусалдаг.”
Одоогоор энэхүү боломж хязгаарлагдмал хүрээнд нээгдсэн:
- Англи хэлтэй хэрэглэгчид Испани, Франц хэл сурах боломжтой.
- Харин Испани, Франц, Португал хэлтэй хэрэглэгчид англиар дадлага хийж болно.
Шууд орчуулгын шинэ горим
Хичээлээс гадна Google шинэ бодит цагийн орчуулгын функцийг нэвтрүүлжээ. Энэ нь:
- Хэрэглэгч гадаад хүнтэй ярилцахдаа хэлсэн үгийг шууд транскрипц болгон хөрвүүлж, орчуулгыг чангаар уншдаг.
- АНУ, Энэтхэг, Мексикт ашиглах боломжтой болсон бөгөөд Украин, Араб, Франц, Хинди, Солонгос, Испани зэрэг 70 гаруй хэлийг дэмжиж байна.
Шинэчлэлт нь Google Translate-ийг улам боловсронгуй болгож, хэл суралцахад чиглэсэн хамгийн хүчтэй өрсөлдөгчийн нэгийг бий болгожээ.
