OpenAI дараагийн загвар болох GPT-5-ыг туршиж эхэлсэн талаар Bleeping Computer мэдээлжээ. Энэ шинэчлэл нь ChatGPT-гийн чадамжийг мэдэгдэхүйц сайжруулж, логик сэтгэлгээ, олон чиглэлийн боловсруулалтад төвлөрөхөөр байгаа юм.
2025 оны долдугаар сарын 13-нд ил болсон GPT-5 Reasoning Alpha хувилбарын талаарх мэдээлэл нь OpenAI-ийн тохиргооны файлуудаас илэрсэн бөгөөд инженер Тибор Блахо энэ мэдээллийг олон нийтэд ил болгож, X платформ дээр кодын хэсгийг хуваалцсан байна. Уг хувилбарын нэрнээс харахад үндэслэл болон логик боловсруулалтад онцгойлон анхаарч байгаа нь тодорхой болжээ.
Bleeping Computer-ийн тайланд дурдсанаар OpenAI хэд хэдэн GPT загварыг логик боловсруулалт болон reasoning дээр мэргэшүүлсэн о-загваруудтай хослуулан туршиж байна. Энэ нь хиймэл оюун ухааны гүйцэтгэл болон дасан зохицох чадварыг шинэ шатанд гаргах боломжтой гэж үзэж байна.
Судлаачид мөн OpenAI-ийн био аюулгүй байдлын хэрэгсэл болох BioSec Benchmark системээс GPT-5-т хамаарах лавлагаа илрүүлсэн нь уг загварыг нарийн хяналт шаарддаг салбаруудад туршиж байгааг илтгэж байна. Нэмж дурдахад, GPT-5-ийн бүрэлдэхүүн хэсэг байж болох o3 загварын шинэ альфа хувилбар ч мөн ил болсон.
OpenAI-ийн хөгжүүлэгч Сикун Жанг “GPT-5 ирж байна” хэмээн ChatGPT Agent функцийг танилцуулах үеэр албан ёсоор баталсан юм.
GPT-5-аас хүлээгдэж буй гол шинэчлэлүүд:
– Санах ой, логик үндэслэл, дүрс таних, даалгаврын гүйцэтгэлийг нэг архитектурт нэгтгэх
– Загварын гүйцэтгэл болон дасан зохицох чадварыг мэдэгдэхүйц нэмэгдүүлэх
– Био аюулгүй байдал болон эмзэг салбаруудад турших
– Албан ёсны гаргалгааны огноо хараахан тодорхойгүй байгаа ч ойрын саруудад олон нийтэд танилцуулагдаж магадгүй байна
