Instagram хэрэглэгчдэд өөрийн бичсэн сэтгэгдлийг засварлах шинэ боломж олгож эхэллээ. Энэ шинэчлэл нь нийтэлсэн сэтгэгдэлдээ алдаа гаргасан, эсвэл үгийн сонголт, утгыг нь өөрчлөх шаардлагатай болсон үед илүү хэрэгтэй болж байна. Өмнө нь ийм тохиолдолд сэтгэгдлээ устгаад дахин шинээр бичихээс өөр аргагүй байсан юм.
Instagram-ийн мэдээлснээр, сэтгэгдэл нийтэлснээс хойш 15 минутын дотор засварлах боломжтой байх аж. Энэ хугацаа нь хэрэглэгчдэд үсгийн алдаа засах, өгүүлбэрийн утгыг өөрчлөх, эсвэл илүү товч болгох зэрэгт хангалттай гэж үзэж байна. Мөн энэ 15 минутын цонхны дотор нэмэлт хязгаарлалт байхгүй бөгөөд хэрэглэгч сэтгэгдлээ хүссэн хэмжээгээрээ өөрчилж болохыг компанийн төлөөлөгчид тайлбарлажээ.
Шинэ боломжийг ашиглахын тулд сэтгэгдэл нийтэлсний дараа хажууд нь гарч ирэх “Засах” товчийг дарахад хангалттай юм. Засвар хийсэн сэтгэгдэл дээр саарал өнгийн тусгай тэмдэглэгээ гарч, тухайн бичвэрт өөрчлөлт орсныг илтгэх аж.
Анх харахад энэ шинэчлэл төдийлөн том өөрчлөлт биш мэт санагдаж болох ч сар бүр тэрбум тэрбумаар хэмжигдэх идэвхтэй хэрэглэгчтэй платформын хувьд алдаатай, яаруу бичсэн сэтгэгдлийн тоог бууруулж, харилцааг илүү хялбар, тав тухтай болгох мэдэгдэхүйц нөлөөтэй байж болох юм.
