Apple-ийн шинэ үеийн хиймэл оюун ухаан буюу Apple Intelligence функцууд аль хэдийн iOS 18.5-д нэвтэрч, миний өдөр тутмын хэрэглээнд орж чаджээ. Гоё ганган визуал функцууд биш ч эдгээр нь миний цаг хэмнэж, хэрэглээг илүү ухаалаг болгож байгаа юм.
Тэгвэл таны iPhone 15 Pro, 16E, 16, 16 Pro (хамгийн сүүлийн үеийн Max, Plus загварууд багтана) төхөөрөмжүүдэд эдгээр функцийг яг одоо туршиж үзэх боломжтой.
- Зөвхөн чухал мэдэгдлийг онцгойлон харуулах Prioritize Notifications
iOS 18.4 дээр анх гарсан энэхүү функц нь чухал мэдэгдлүүдийг түгжээтэй дэлгэц дээр бусдаас дээгүүр байрлуулдаг.
Жишээ нь:
- Цаг агаарын анхааруулга
- Байнга холбоо барьдаг хүмүүсийн мессеж
- Хугацаа тулсан имэйл
Тохируулах: Settings > Notifications > Prioritize Notifications
- TL;DR хураангуй функц – Хэт урт мессеж, имэйл, вэб хуудас хураангуйлна
Apple Intelligence таны ирж буй мэдэгдэл, имэйл, веб хуудсыг нэг өгүүлбэрт багтаан хураангуй хэлбэрээр харуулдаг.
Safari дээр ч мөн Reader горимд ороод Summary товч дээр дарж урт нийтлэлүүдийг товчлоорой. - Siri – Илүү ойлгомжтой, хариулах чадвар сайжирсан шинэ Siri
iOS 18.1-ээс эхлэн Apple Intelligence дэмждэг төхөөрөмжүүдэд Siri шинэчлэгдсэн.
Шинэ боломжууд:
- Илүү уян хатан асуулт хариулт
- Дагалдах асуултуудыг хүлээн авах чадвар
- ChatGPT интеграцтай (Siri хариу өгөхгүй үед ChatGPT-ээс асуух боломжтой)
- Hey Siri хэлэхгүйгээр Siri-тай чимээгүй харилцах Tap to Siri
iPhone болон iPad дээр дэлгэцийн доод хэсгийг хоёр удаа товшиж Siri-ийг гаргаж ирж болно.
Mac дээр Command товчийг хоёр дарахад Siri гарч ирнэ.
Энэ нь олон төхөөрөмжтэй орчинд бусдыг сатааруулахгүйгээр чимээгүй хэрэглээнд тохиромжтой. - Photos апп-д Clean Up – Зургийн хүсээгүй зүйлсийг AI-аар арилгах
iOS 18.1-ээс эхлэн Photos апп шинэ Clean Up функцтэй болсон.
Зураг дээрх шаардлагагүй зүйлсийг тэмдэглээд AI-аар автоматаар арилгах боломжтой болсон.
Үр дүн нь төгс биш ч хурдан хэрэглэхэд хангалттай. - Reduce Interruptions – Хэт их анхаарал сарниулах мэдэгдлийг AI-аар шүүх
Focus горимын шинэ хувилбар Reduce Interruptions нь таны зөвшөөрсөн мэдэгдлээс гадна AI-аар чухал байж болох зүйлсийг шүүж зөвхөн шаардлагатай мэдэгдлийг оруулдаг.
Жишээ нь:
- Банкинд том гүйлгээ хийгдэх үед
- Гэнэтийн цаг агаарын анхааруулга
Идэвхжүүлэх: Control Center > Focus > Reduce Interruptions
Эцэст нь: Apple Intelligence функцууд хөгжлийн шатандаа байгаа ч iOS 18.5-д өдөр тутамд хэрэглэхэд илүү найдвартай, хэрэглээнд сууж эхэлсэн гэж хэлж болно.
Хэрэв танд эдгээр функцийг турших сонирхол байгаа бол бүрэн идэвхжүүлж, эсвэл зарим функцийг унтрааж ашиглах боломжтой.
