2025 оны сүүлээр олон нийтэд хүрэх iOS 26 системийн шинэчлэл нь зөвхөн шинэ функц нэмэхээс гадна AirPods цэнэглэх туршлагыг ч илүү ухаалаг, найдвартай болгох гэж байна. Одоо таны AirPods-ын цэнэг дуусахаас өмнө iPhone автоматаар сануулга өгдөг болжээ — бүр чихэндээ зүүгээгүй, зүгээр л цэнэг багатай кейс дотор байхад ч анхааруулга ирнэ.
Шинэ сануулгын ухаалаг зарчим
Өмнө нь таны AirPods-ыг зүүмэгц эсвэл хөгжим сонсож байх үед цэнэг багассаныг анхааруулдаг байсан. Харин iOS 26-аас эхлэн:
- AirPods-ын кейс цэнэггүй байх үед — iPhone мэдэгдэл илгээнэ
- AirPods-ыг удаан ашиглаагүй ч — цэнэг бага байвал сануулна
- Цэнэглэж дууссан үед — “Цэнэглэлээ бүрэн дуусгасан” гэсэн мэдээлэл ирдэг
Энэ функц нь ухаалаг байдлаар ажилладаг бололтой. Жишээлбэл, iPhone-г шөнө цэнэглэж эхлэхэд AirPods кейс цэнэг багатай байвал нэн даруй мэдэгдэл ирж байв. Энэ нь хэрэглэгчид ойр байхад нь, тохиромжтой цагт цэнэглэхийг санал болгодог ухаалаг шийдэл юм.
Хэрвээ хүсэхгүй бол унтрааж болно
Хэрэв та энэ төрлийн мэдэгдлийг авахыг хүсэхгүй бол:
Settings → AirPods → Battery → Charging Notifications гэсэн цэс рүү орж унтрааж болно.
Хэзээ ашиглах боломжтой болох вэ?
- iOS 26 нь одоогоор хөгжүүлэгчдийн бета шатанд байна
- Нийтийн бета энэ сард багтан гарна
- Албан ёсны шинэчлэлт 2025 оны сүүлээр бүх хэрэглэгчдэд үнэгүй хүрнэ
