Apple компани iPhone 17 Pro загварын үндсэн хувилбарын үнийг 50 ам.доллароор нэмэгдүүлж, 999 ам.доллароос 1049 ам.доллар болгохоор төлөвлөж байна. Үүнтэй зэрэгцэн суурилуулсан санах ойн хэмжээг хоёр дахин нэмэгдүүлж, 256 ГБ болгоно. Энэ тухай Хятадын инсайдер Instant Digital компани хэдэн жилийн турш Америкийн компанийн ирээдүйн төхөөрөмжүүдийн талаар найдвартай мэдээллээр хангадаг Weibo сайтад мэдээлсэн байна.
MacRumors-ийн мэдээлснээр iPhone 15 цувралыг 2023 онд худалдаанд гаргахаас өмнө Apple компани Pro Max загварын 128 ГБ багтаамжтай сонголтоос татгалзаж, үндсэн iPhone 14 Pro Max-тай харьцуулахад үнийг 100 долларллр өсгөж, 119 доллар болгон өсгөх тухай цуу яриа гарч байсан. Үүнтэй төстэй өөрчлөлтүүдийг iPhone 17 Pro-д зориулж бэлтгэж байгаа байх. Хэрэв Instant Digital-ийн мэдээлэл батлагдвал 256 ГБ санах ойтой шинэ түвшний Pro хувилбар нь 128 ГБ-ын загварыг 999 доллароор орлож, 1049 доллароор худалдаалагдах болно. Ингэж харьцангуй бага үнийн өсөлтөөр санах ойг хоёр дахин нэмэгдүүлэх нь худалдан авагчдын хувьд ашигтай санал гэж үзэж болно.
Түүнчлэн энэ оны долоодугаар сард Jefferies компанийн шинжээчид Apple компани iPhone 17-ийн бүх загварын үнийг 50 ам.доллароор нэмэгдүүлэхээр төлөвлөж байгаа талаар мэдээлсэн. Үүнд эд ангиудын өртөг өссөн болон Хятадаас импортолж буй бараанд АНУ татвар ногдуулж буй нь гол нөлөө үзүүлж байгаа гэжээ. Үүнтэй ижил таамаглалыг GF Securities компанийн шинжээч Жефф Пу болон The Wall Street Journal сэтгүүлийн эх сурвалжууд мөн дэвшүүлсэн байна.
Instant Digital-ийн хувьд 1.5 сая дагагчтай бөгөөд өмнө нь Apple-ийн шинэ бүтээгдэхүүний талаарх мэдээллийг үнэн зөв дамжуулж байсан. Тодруулбал, 2023 онд тэрээр шар өнгийн iPhone 14, iPhone 15-ийн арын хэсэгт царцсан шил, iPhone 15 Pro дээр орон зайн дүрс бичлэг хийх боломжтой гэдгийг мэдээж байсан бол 2024 онд iPhone 16 Pro болон Pro Max-ийн загваруудын батарейн гол үзүүлэлтүүдийг нэрлэж байв.
Урьдчилсан мэдээллээр Apple 2025 оны 9-р сарын 9-нд iPhone-ийн дараагийн үеийн цувралыг танилцуулж, 9-р сарын 19-нөөс дэлхийн зах зээлд худалдаалж эхлэх төлөвтэй байна. Танилцуулах үеэр стандарт iPhone 17, iPhone 17 Pro, iPhone 17 Pro Max загварууд багтах бөгөөд өмнөх iPhone 17 Air хувилбарыг шинэ загвараар орлуулах магадлалтай байна.
