Macintosh 128K-г дахин амилуулсан хөөрхөн төхөөрөмж: pico-mac-nano

Apple-ийн түүхэн Macintosh 128K загварыг санагдуулам pico-mac-nano нэртэй миниатюр төхөөрөмж танилцуулагдлаа. Уг бүтээл нь 1-bit rainbow хэмээх винтаж Apple-ийн эд анги борлуулдаг ресурсаас гарсан бөгөөд бодит Macintosh-ийг 3D хэвлэлтэй, бүрэн ажиллагаатай хэлбэрээр дахин амилуулсан сонирхолтой хувилбар юм.

Хэрхэн бүтээгдсэн бэ?

• Төхөөрөмжийн цөмд Raspberry Pi Pico микроконтролер ажиллаж байгаа бол
• 2 инчийн LCD дэлгэц-тэй
• Классик Mac OS-ийн эмулятор хувилбар дээр ажилладаг
• USB-клавиатур болон хулганыг дэмжих боломжтой бөгөөд USB хуваагч дагалдуулдаг

Үнэ, хүртээмж:

pico-mac-nano нь 56 фунт стерлингийн үнээр худалдаалагдаж эхэлсэн боловч нэн даруй хэрэглэгчдийн анхаарлыг татаж, анхны бүх багц богино хугацаанд зарагдаж дууссан байна. Төслийн албан ёсны сайт дахин захиалга хүлээн авах хугацаа “тун удахгүй” гэж мэдэгдсэн бөгөөд сонирхсон хэрэглэгчид и-мэйлээ бүртгүүлэн мэдээлэл авч болох юм.

Гэрийн нөхцөлд өөрөө бүтээх боломжтой

Энэхүү төслийн 3D хэвлэлийн загварууд болон суулгах заавар GitHub дээр нээлттэй байршуулсан тул сонирхогчид өөрсдөө угсарч, турших бүрэн боломжтой юм.