2025 оны 11-р сарын 24-нөөс 12-р сарын 14-ний хооронд Унгарын нийслэл Будапешт хотод дэлхийн шилдэг 32 баг 1.25 сая ам.долларын төлөө өрсөлдөх CS2-ийн хамгийн том тэмцээн — “StarLadder Major Budapest 2025” зохион байгуулагдана.
Хэрвээ та esport-ийн сонирхогч бол энэ тэмцээнийг алгасах шалтгаан үгүй. Харин яагаад заавал үзэх ёстой вэ?
Шалтгаан 1 — StarLadder-ийн эргэн ирэлт
Олон улсын нэр хүндтэй esport-ийн тэмцээн зохион байгуулагч StarLadder 2019 оноос хойш Major тэмцээнд дахин эргэн ирж байна.
Энэ удаад тэд илүү шинэлэг технологи, орчин үеийн шийдлүүдийг нэвтрүүлэхээр бэлтгэжээ. Үүнд:
- 360° тайзны бүтэц
- Hologram effect
- AR тоглогчдын танилцуулга
- LED хөдөлгөөнт газрын зураг (map overlay)
Эдгээр технологи нь үзэгчдэд тоглоомын дотор байгаа мэт мэдрэмж төрүүлэх болно.
Шалтгаан 2 — CS2 Major-ийн түүхэн дэх хамгийн том арена
Тэмцээн 20,000 хүний суудалтай MVM Dome спорт цогцолборт зохион байгуулагдана.
Энэ нь Унгарын хамгийн том спорт цогцолбор бөгөөд CS2 Major-ийн түүхэнд анх удаа ийм хэмжээний үзэгчтэй болно.
Шалтгаан 3 — Шинэ Swiss систем, илүү ширүүн өрсөлдөөн
Энэ жилийн Major тэмцээн анх удаа гурван шатлалт Swiss системээр явагдана.
Багууд VRS чансаа ойролцоо өрсөлдөгчидтэй тулалдах тул тулаан бүр илүү өрсөлдөөнтэй, сонирхолтой байх юм.
Шалтгаан 4 — Монголын хоёр баг анх удаа хамт оролцоно
Ази тивээс 6 баг оролцож байгаа бөгөөд тэдний дундаас хоёр нь Монголын багууд юм.
- “The MongolZ” багийн Mzinho
- “The Huns” багийн Bart4k
Энэ бол төрсөн ах дүүс Major тэмцээнд зэрэг оролцож буй анхны тохиолдол юм. Монголын хоёр баг дэлхийн шилдгүүдтэй мөр зэрэгцэн тоглохыг дэргэдээс нь үзэх боломжийг алдах аргагүй.
