10
Сүүлийн жилүүдэд эрчим хүч хэмнэх талаар өргөн ярьж, шаардлагагүй үед цахилгаан хэрэгслийг унтрааж, залгуураас салгахыг зөвлөж байгаа. Энэ нь эрчим хүчний зардлыг багасгах үр дүнтэй арга хэдий ч бүх төхөөрөмжид ижил зарчим үйлчлэхгүй. Зарим цахилгаан хэрэгсэл тог гэнэт тасрахад мэдрэмтгий байдаг бөгөөд буруу ашиглавал эвдрэлд хүргэх эрсдэлтэй.
Ямар төхөөрөмжүүдийг залгуураас салгаж болохгүй вэ?
- Бэхэн принтер
- Принтерийг зөвхөн асаах/унтраах товчлуураар унтраах ёстой.
- Шууд залгуураас салгавал хэвлэх толгой амрах горимд орж амжихгүй, дараагийн асаалт дээр маш их бэх зарцуулан өөрийгөө цэвэрлэнэ.
- Wi-Fi чиглүүлэгч
- Шөнийн цагаар тог салгавал “ухаалаг гэрийн” төхөөрөмжүүдийн ажиллагаа алдагдана.
- Мөн компьютерт хийгдэж буй шинэчлэлт, өгөгдлийн нөөц хуулбар тасалдах эрсдэлтэй.
- OLED зурагт
- Унтраасны дараа автоматаар пиксел сэргээх процесс явагддаг.
- Хэрэв шууд тогноос салгавал энэ процесс хийгдэхгүй, улмаар зурагны чанар доройтох магадлалтай.
- Хөргөгч ба хөлдөөгч
- Багахан хугацаанд ч тог салгавал доторх бүтээгдэхүүн хурдан мууддаг.
- Тогтмол ажиллагаатай байж л хүнсний бүтээгдэхүүнийг хамгаална.
- Аюулгүй байдлын системүүд (дохиолол, камер, мэдрэгч)
- Гэрийн болон оффисын аюулгүй байдал шууд хамаардаг.
- Ийм төхөөрөмжүүдийг зөвхөн байнгын цахилгаанаар бус, нөөц тэжээлээр хангах шаардлагатай.
- Эмнэлгийн зориулалтын тоног төхөөрөмж
- Эрүүл мэндийг хамгаалах төхөөрөмжүүд (жишээ нь, хүчилтөрөгчийн аппарат) тог тасрахад асар их эрсдэл дагуулна.
- Компьютер, зөөврийн компьютер
- Шууд залгуураас салгавал үйлдлийн систем эсвэл хатуу диск гэмтэж болзошгүй.
- Ялангуяа өгөгдөл бичиж, шинэчлэлт хийж байх үед гэнэт унтраах нь томоохон алдаа гаргадаг.
Дүгнэлт
Эрчим хүч хэмнэхийн тулд цахилгаан хэрэгслийг тогноос салгах нь зөв алхам боловч бүх төхөөрөмжид энэ арга тохирохгүй. Принтер, чиглүүлэгч, зурагт, хөргөгч, хамгаалалтын систем, эмнэлгийн багаж, компьютер зэрэг төхөөрөмжүүд тогтмол ажиллагаатай байх шаардлагатай тул зөвхөн товчлуур, албан ёсны унтраах функцээр ашиглах ёстой.
