Micron-ийн тэсрэлт: Computex 2025 дээр 30.25 ГБ/с хурдтай PCIe 6.0 SSD танилцуулав

Технологийн ертөнц дахин нэгэн тэсрэлтийн гэрч боллоо. Micron компани Computex 2025 үзэсгэлэнгийн үеэр 30.25 ГБ/сек хурд бүхий PCIe 6.0 стандартаар ажилладаг SSD төхөөрөмжөө олон нийтэд дэлгэсэн нь өнөөгийн PCIe 5.0 стандартын 12–15 ГБ/с хурдыг хэдийн ардаа орхижээ.

MICRON 9650 PRO: ЭНЭ БОЛ ТЕХНИКИЙН ДЕМО

Тус SSD нь “Micron 9650 Pro” нэртэй бөгөөд одоогоор туршилтын шатандаа яваа загвар юм. Зураг дээр харахад, төхөөрөмжийг PCIe 6.0 өргөтгөлтэй плат дээр шууд залгасан бөгөөд уламжлалт M.2 форматаас огт өөр, том хэмжээтэй металл хайрцагт суурилуулжээ.

Tom’s Hardware сайтын мэдээлснээр, уг SSD-г Astera Labs-ын танилцуулгын буланд анх харсан бөгөөд PCIe 6.0 сүлжээний шилжүүлэгч, дамжуулах программ хангамжийн үзүүлбэрт ашиглагдаж байв. Энэхүү өндөр хурдтай холболт нь төхөөрөмжүүдийг хооронд нь шууд холбож, төв процессорыг “чөлөөлөх” давуу талтай аж.

ТЕХНИК НЬ ХҮЛЭЭГДСЭН Ч ЭКОСИСТЕМ НЬ БЭЛЭН БИШ

Одоогоор нэг ч процессор PCIe 6.0-ийг албан ёсоор дэмжээгүй байна. Мөн PCIe 6.0 төхөөрөмжүүдийн PCI-SIG баталгаажуулалт 2025 оны сүүлээр л хийгдэхээр төлөвлөгджээ. Энэ нь Micron 9650 Pro-г ойрын хугацаанд эцсийн хэрэглэгчдэд хүрэх боломжгүй, зөвхөн техник технологийн туршилтын ангилалд багтаж байгааг илтгэнэ.

PCIe 6.0-г бүрэн дэмжих:

• Материн плат
• Процессор
• Сертификатчилал

гэсэн экосистем ойрын хугацаанд бүрдэхгүй гэдгийг мэргэжилтнүүд онцолж байна.

EVT3 ШАТАНД БАЙГАА

Micron 9650 Pro одоогоор EVT3 (Engineering Validation Test 3) шатандаа байна. Өөрөөр хэлбэл:

• Хоёр удаагийн анхны туршилтыг аль хэдийнэ давсан
• Одоогоор гүйцэтгэл, нийцтэй байдлын нарийвчилсан тест хийгдэж байгаа

Цаашид бүтээгдэхүүн:

• DVT (Design Validation Test)
• PVT (Production Validation Test)

гэсэн дараагийн туршилтуудыг давж байж л зах зээлд гарах эрхтэй болох юм.

DESIGNCON ДЭЭРХ АНХНЫ АМЖИЛТ

Computex 2025-ын уг танилцуулга нь өмнө нь DesignCon дээр хийгдсэн Micron ба Astera Labs-ийн хамтарсан демогийн дараа болжээ. Тухайн үед тэд PCIe 6.0 технологийг 27 ГБ/сек бодит хурдтай ажиллуулж, техник технологийн хөгжил ямар түвшинд хүрснийг харуулсан.