Microsoft компани техник хангамжийн салбараас гарч магадгүй гэсэн цуурхлыг няцааж, Xbox брэндийн ирээдүй хэвээр гэдгийг албан ёсоор мэдэгдлээ. Microsoft Gaming-ийн гүйцэтгэх захирал Фил Спенсер Японы Famitsu сэтгүүлд өгсөн ярилцлагадаа тус компани дараагийн үеийн Xbox консолыг аль хэдийн хөгжүүлж байгаа талаар баталсан байна.
Шинэ Xbox хөгжүүлэлт эхэлжээ
Спенсерийн хэлснээр, Xbox брэндийн дараагийн техник хангамжийн бүтээгдэхүүн нь ASUS ROG Ally зэрэг зөөврийн тоглоомын төхөөрөмжүүдтэй уялдсан хөгжүүлэлт байх аж. Гэсэн хэдий ч дараагийн үеийн үндсэн консолыг Microsoft-ын инженерүүд бие даан бүтээж байгаа бөгөөд уг төхөөрөмжийг 2027 оноос өмнө худалдаанд гаргахгүй гэж тэр онцолсон байна.
Зөөврийн тоглоомын систем ойрын хугацаанд гарахгүй
Мөн Фил Спенсерийн хэлснээр, Microsoft нь дараагийн үеийн Xbox гаргах хүртэл өөрийн зөөврийн тоглоомын систем танилцуулах төлөвгүй байгаа гэнэ. Энэ нь компани бүх анхаарлаа шинэ үеийн гол консолын хөгжүүлэлтэд төвлөрүүлж буйг илтгэж байна.
Sony мөн шинэ систем хөгжүүлж байна
Тоглоомын салбарын өрсөлдөөн улам ширүүсэж байгаа энэ үед, Sony компани ч мөн AMD-тэй хамтран дараагийн үеийн суурин болон зөөврийн тоглоомын системүүд дээр ажиллаж байгаа талаар мэдээлэл тархаад байна. Энэ нь дараагийн жилүүдэд Xbox ба PlayStation-ийн өрсөлдөөн шинэ түвшинд хүрэхийг илтгэж байна.
