Motorola компани Pantone болон Swarovski-ийн хамтран бүтээсэн Razr Brilliant Collection нэртэй тусгай цувралаа олон нийтэд танилцууллаа. Энэхүү цуглуулга нь “Мөс хайлах” өнгөний шийдэлтэй эвхэгддэг ухаалаг утас болон чихэвчийг багтаасан бөгөөд дээд зэрэглэлийн дизайн, технологийн хослолыг илэрхийлж байна.
Razr Brilliant гар утасны онцлог нь 35 ширхэг гар аргаар суурилуулсан Swarovski талст бүхий арын бүрээстэй бөгөөд нугасны хэсэгт байрлуулсан 26 талт болор нь эвхэх үйлдлийн үед нүд булаам гялбааг үүсгэнэ. Эдгээр чимэглэлийн элементүүдийг гэмтэхээс хамгаалахын тулд ил тод, тусгайлан бүтээгдсэн хамгаалалтын хайрцаг дагалдуулжээ.
Цуглуулгад багтсан Moto Buds Loop чихэвч нь чихний гогцоонд байрласан Swarovski талстуудаар чимэглэгдсэн. Техникийн хувьд чихэвч нь Bose-тэй хамтарсан чанга яригч, хүрээлэн буй орчны дууны тохиргоо, 37 цаг хүртэл бие даасан ажиллагаа зэргийг дэмждэг.
Razr Brilliant-ийн өнгөний шийдэл болох “Мөс хайлах” сувдан туяа нь Pantone-ийн мэргэжилтнүүдийн хамтран боловсруулсан бөгөөд болор дээрх гэрлийн хугарлыг бүрэн ашигласан уран хийцтэй юм. Энэ нь цуглуулгын тансаг байдал, нарийн хийцийг улам бүр тодотгож байна.
Энэхүү тансаг Razr Brilliant Collection нь 999 ам.долларын үнэтэй худалдаанд гарч байгаа бөгөөд технологийг зөвхөн хэрэглээ бус, статус, имижийн нэг хэсэг болгож харуулах хандлагыг тод харуулж байна.
