2025 оны аравдугаар сарын 2-ны мягмар гарагт болсон арилжаагаар график процессор үйлдвэрлэгч “Nvidia” компанийн хувьцааны ханш 3 орчим хувиар өсөж, шинэ дээд амжилт тогтоолоо. Үүний дүнд тус компанийн зах зээлийн үнэлгээ 4.5 их наяд ам.долларт хүрэв гэж “Nasdaq”-ийн мэдээлэлд дурдсан байна.
Хиймэл оюуны өсөлт ба хөрөнгө оруулалт
Он гарснаас хойш “Nvidia”-гийн хувьцаа 39 хувиар өссөн нь хиймэл оюуны салбарын огцом өсөлттэй холбоотой гэж шинжээчид тайлбарлаж байна. Тус компани хөрөнгө оруулагчдыг татах хэд хэдэн томоохон гэрээ хэлцэл хийжээ.
- “OpenAI”-д 100 тэрбум ам.долларын хөрөнгө оруулах, хамтран хиймэл оюуны дэд бүтцийг хөгжүүлэх
- “Intel” компанид 5 тэрбум ам.долларын хөрөнгө оруулах
- Хамтарсан төслийн эхний үе шатыг 2026 оны хоёрдугаар хагаст хэрэгжүүлэх
Ирээдүйн төлөв
Эдгээр алхмууд нь “Nvidia”-гийн байр суурийг дэлхийн хиймэл оюуны салбар дахь тэргүүлэгчийн хэмжээнд хадгалах гол хөшүүрэг болох юм. Сонирхуулахад, энэ оны долоодугаар сард “Nvidia” зах зээлийн үнэлгээ нь 4 их наяд ам.долларыг давсан анхны компани болж түүхэнд бичигдсэн билээ.
