Интернэт хэрэглэгчдийн хэрэгцээ улам бүр нарийсаж буй энэ үед Opera One хөтөч томоохон шинэчлэлт хийж, туршлагыг илүү дэвшилтэт түвшинд хүргэлээ. Хөтөчийн шинэ хувилбарт орчуулагч суурилуулах, цонхны байршил сайжруулах, нууц үг удирдах зэрэг олон шинэ боломж нэмжээ. Ялангуяа олон хүн удаан хүлээсэн вэб хуудсыг шууд орчуулах функц Opera-д нэмэгдсэн нь онцлох өөрчлөлт байлаа.
Шууд орчуулгын шинэ функцээр гадаад хэлтэй вэб хуудсуудыг ойлгоход хялбар боллоо
Шинэчилсэн Opera One хөтөчид багтсан хамгийн анхаарал татсан шинэ зүйл бол AI суурьтай орчуулгын систем юм. Одоо хэрэглэгчид гадаад хэл дээрх вэб сайтад зочлоход агуулгыг автоматаар орчуулах боломжтой болсон. Гараар хуулж, орчуулгын үйлчилгээ ашиглах шаардлагагүй болсон нь судлаач, оюутан, олон улсын мэдээ уншигчдад үнэтэй шийдэл болж байна.
Түүнчлэн энэхүү функц нь текстийн утгыг нарийн дамжуулах чадвартай бөгөөд хэрэглэгч зөвхөн ерөнхий мэдээлэл бус, гүн утга, агуулгыг ч ойлгож чадна. Opera нь одоо орчуулгын системтэй цөөн хэдэн хөтчүүдийн нэг болж байгаа нь түүний хэрэглээний цар хүрээг тэлж буй хэрэг юм.
Илүү уян хатан хуваагдсан дэлгэц: Давхар ажиллагаанд зориулагдсан
Хэрэглэгчдийн санал хүсэлт дээр үндэслэн Opera One хөтчийн хуваагдсан дэлгэцийн функц мэдэгдэхүйц шинэчлэгдлээ. Одоо нэгэн зэрэг хоёр өөр табыг зэрэгцүүлэн ажиллуулах нь илүү хялбар болсон. Жишээлбэл, хэрэглэгч нэг таб дээр мэдээлэл уншихын зэрэгцээ нөгөө талд видео үзэх эсвэл дэлгүүр хэсэх боломжтой.
Шинэ хуваах цонхны систем илүү уян хатан болсноор жижиг дэлгэцтэй төхөөрөмж дээр ч тухтай ажиллах нөхцлийг бүрдүүлж өгч байна. Цонх хооронд шилжих хурд нэмэгдэж, хэрэглэгчийн интерфейс илүү ойлгомжтой болсон нь тухайн функцийн практик хэрэглээг сайжруулжээ.
Нууц үгийн менежер илүү ухаалаг, илүү хялбар
Хөтчийн шинэчлэлтийн хүрээнд нууц үгийн менежер ч давхар шинэчлэгдсэн. Одоо хэрэглэгчид хадгалсан нууц үг рүү хурдан нэвтрэх, шинэ нууц үг нэмэх болон засварлах ажиллагааг илүү хялбархан хийх боломжтой болсон. Интерфейс нь илүү ойлгомжтой, цэвэрхэн болсон бөгөөд Opera өгөгдлийн хамгаалалтаа үргэлжлүүлэн тэргүүн эгнээнд тавьж байна.
Opera One: Орчин үеийн хайлтыг дахин тодорхойлох зорилго
Хамгийн сүүлийн шинэчлэлт Opera One хөтчийг зөвхөн гадаад үзэмжийн хувьд ч бус, үйлдлийн чадамж талаас нь шинэ түвшинд хүргэжээ. Шууд орчуулагч, уян хатан хуваагдсан дэлгэц, хялбар хэрэглэгчийн интерфейс зэргээр Opera One нь энгийн хэрэглэгчид болон мэргэжлийн хүмүүсийн аль алинд зориулагдсан хүчирхэг хэрэгсэл хэвээр байна. Хэрэв та хараахан шинэчлээгүй бол одоо Opera One-н шинэ хувилбарыг турших хамгийн тохиромжтой цаг юм.
