Pixel 10 Pro XL батерейны туршилтад бүтэлгүйтэв

38

Батерейны сул тал ил болов

Google-ийн хамгийн сүүлийн үеийн тэргүүлэх загвар Pixel 10 Pro XL нь GSMArena-ийн хийсэн туршилтаар батерейны ашиглалтын хувьд хэрэглэгчдийн хүлээлтийг биелүүлж чадсангүй. Дундаж ачааллын үед ердөө 2.5 цаг гаруй ажилласан нь өмнөх загвараасаа ч дордсон дүн болжээ.

Туршилтын дүнгээс харахад энэхүү төхөөрөмж тасралтгүй 10 цаг идэвхтэй ашиглахад ч тэсвэрлэхгүй байсан байна. Үүнд интернетээр аялах, мессеж бичих, зураг авах, видео үзэх, тоглоом тоглох, дуудлага хийх зэрэг өдөр тутмын хэрэглээний бүх үйлдэл багтаж байв.

Туршилтын тодорхой үзүүлэлтүүд

• Яриа: 17 цаг
• Интернэт: 11 цаг
• Видео: 13.5 цаг
• Тоглоом: 5 цаг

Гол доголдол нь Tensor G5 процессорын өндөр эрчим хүчний хэрэглээ болон системийн сул оновчлолтой холбоотой гэж шинжээчид дүгнэжээ.

Өрсөлдөгчидтэй харьцуулахад

Pixel 10 Pro XL-ийн сул үзүүлэлт нь өрсөлдөгч төхөөрөмжүүдийн дэргэд бүр ч тод харагдаж байна. Жишээлбэл:

• Samsung Galaxy S25 Ultra – 5 цагаар илүү удаан ажилладаг.
• iPhone 16 Pro Max – Pixel 10 Pro XL-ээс бараг хоёр дахин урт хугацаанд цэнэг барьдаг.

Ийнхүү Google-ийн шинэ бүтээгдэхүүн батерейны тал дээр хэрэглэгчдийн хүлээлтэд нийцсэнгүй.