Жилийн төгсгөл ойртож, баярын хямдрал, шинэ техник хэрэгслийн худалдан авалт ид өрнөж буй энэ үед шинэ ухаалаг утас авахыг хүсэж буй хэрэглэгчдэд Realme-ийн шинэ загвар сонирхол татаж байна. Бид Realme-ийн шинэ загваруудын нэг болох Realme 13 5G утсыг туршиж үзлээ.
Realme 13 5G нь Realme 13 цувралын анхан шатны загвар бөгөөд боломжийн үнээр хүчирхэг үзүүлэлт санал болгож байгаа нь хэрэглэгчдийн анхаарлыг татаж байна. Энэ нь хэрэглээнд хангалттай хэмжээний хурд, ажиллагааг хослуулж чадсан загвар юм.
Realme 13 5G ухаалаг утас 6.72 инчийн IPS дэлгэцтэй бөгөөд 2400 x 1080 нягтаршилтай, 120 Гц давтамжтай тул дүрсний гүйлгэх хөдөлгөөн маш жигд, тоглоом тоглох болон веб хуудас уншихад тун таатай. 580 нит хүртэлх гэрэлтэлттэй дэлгэц нь нарны гэрэлд ч ашиглахад тохиромжтой. Дэлгэцийн дээд хэсэгт байрлах 16MP-ийн сэлфи камер хэрэглээнд саад болохгүйгээр байршсан нь онцлог.
Тус утасны процессор нь 6-нм MediaTek Dimensity 6300 чипсет бөгөөд 8 цөмт CPU, Mali-G57 MC2 GPU-тэй. Бидний туршсан хувилбар нь 8GB RAM болон 256GB дотоод санах ойтой. MicroSD картыг 1TB хүртэл дэмждэг ч SIM болон microSD-ийн нэгдсэн оролттой тул сонголт хийх шаардлагатай. Realme 13 5G нь олон апп зэрэг ажиллуулах, хурдан нээх, гацахгүй ажиллагаагаар онцлог байв.
Камерагийн хувьд, 50MP-ийн үндсэн мэдрэгч нь OIS болон PDAF дэмждэг ба өдрийн гэрэлд маш сайн зургууд авч чаддаг. Мөн шөнийн горим болон оптик тогтворжуулагчийн ачаар гэрэл багатай нөхцөлд ч хэрэглээнд хангалттай чанартай зураг авах боломжтой. Видео бичлэг 1440p@30fps болон 1080p@60fps хүртэл хийгдэх боломжтой. Урд камер нь 16MP бөгөөд сэлфи болон видеочатад тохиромжтой.
Realme 13 5G 5000 мАч багтаамжтай батерейтай бөгөөд 45 Вт-ын хурдан цэнэглэлтийг дэмждэг. Утас 30 минутын дотор 50% хүртэл цэнэглэгдэх боломжтой. Энэ нь өдөр тутмын хэрэглээнд маш том давуу тал болж өгнө.
Холболтын хувьд 5G, 4G VoLTE, дижитал Wi-Fi (802.11 a/b/g/n/ac), Bluetooth 5.3 зэргийг дэмжинэ. NFC нь бүс нутгаас хамаарч өөр байх тул худалдаж авахаасаа өмнө шалгах нь зүйтэй.
Програм хангамжийн талд Android 14 дээр суурилсан Realme UI 5.0 ажиллаж байгаа бөгөөд интерфэйс нь ойлгомжтой, ашиглахад хялбар. Тус компани хоёр жилийн хугацаанд Android-ийн шинэчлэл, гурван жил аюулгүй байдлын шинэчлэл хийнэ хэмээн амласан.
Realme 13 5G нь гоёмсог, тоос шороо болон уснаас хамгаалах IP64 зэрэглэлийн хамгаалалттай. Матт пластик гадаргуутай тул хурууны мөр, жижиг зураасанд амархан автдаггүй. Speed Green болон Dark Purple гэсэн хоёр өнгийн сонголттой.
Эцэст нь хэлэхэд, Realme 13 5G нь ухаалаг үнэ, хүчирхэг үзүүлэлтийн хослолыг санал болгож байгаа бөгөөд дунд үнийн ангилалд хамгийн сайн сонголтуудын нэг болохуйц утас юм.
