Redmi K80 Ultra ирэх сард танилцуулагдана: Хямд үнэтэй флагман гар утасны шинэ үе

Xiaomi-ийн дэд брэнд Redmi тун удахгүй дараагийн “супер флагман” болох Redmi K80 Ultra загвараа танилцуулахаар бэлдэж байна. Брэндийн захирал Ван Тен Weibo хуудсаараа дамжуулан шинэ загварын үнийн талаар мэдээлэл өгсөн бөгөөд энэхүү утас ойролцоогоор 3000 юань буюу 416 ам.доллар байх аж.

Техникийн үзүүлэлт ба онцлох давуу талууд:

• Дэлгэц: 6.83 инчийн хавтгай OLED дэлгэц, 1.5K нягтаршилтай
• Хурууны хээ уншигч: Хэт авианы технологитой
• Процессор: MediaTek-ийн хамгийн сүүлийн үеийн Dimensity 9400+ чип
• Батарей: 7500 мАч багтаамжтай, 100 Вт хурдан цэнэглэлтийг дэмжинэ
• Камера: 50 Мп-ийн үндсэн камер
• Биеийн хийц: Металл хүрээтэй, IP68 ба IP69 ус, тоосны хамгаалалттай

Ван Тен онцолсон нь: энэ загвар нь Redmi брэндийн түүхэн дэх хамгийн өндөр хүчин чадал бүхий, хамгийн боломжийн үнэтэй флагман болох юм.

Redmi K80 Ultra нь зөвхөн техник хангамжаараа бус, дизайн болон тэсвэрлэх чадварын хувьд ч жинхэнэ флагман түвшний төхөөрөмж байх болно гэж үзэж байна.