Samsung компани энэ оны эхээр гарсан Galaxy Tab A11-ийн сайжруулсан хувилбар болох Galaxy Tab A11+ шинэ таблетынхаа худалдааг албан ёсоор эхлүүллээ. Шинэ загвар нь хүчин чадал, дэлгэцийн чанар болон урт хугацааны дэмжлэгээрээ анхны хувилбараасаа мэдэгдэхүйц давуу болсон байна.
Шинэ таблетаас юу хүлээх вэ?
Galaxy Tab A11+ нь 11 инчийн WUXGA (1920×1200) нягтаршилтай, 90 Гц сэргээгдэх давтамжтай дэлгэцтэй. Энэхүү дэлгэц нь өдөр тутмын хэрэглээ, стрийминг болон тоглоом тоглоход илүү жигд, мэдрэмжтэй харагдах дүрс бүтээдэг.
Ард нь MediaTek Dimensity 7300 чипсет ажиллаж байгаа тул илүү тогтвортой хүчин чадал, бага эрчим хүчний зарцуулалттай. Таблет нь Android 16 ба One UI 8 интерфейстэй бөгөөд Samsung компани төхөөрөмжидээ 7 жилийн турш шинэчлэлт өгөхөө амласан нь дундаж ангиллын төхөөрөмжид нэлээд өндөр үзүүлэлт юм.
Камер, дуугаралт болон техник хэрэгсэл
Таблетын гол камер нь 8 МП автофокус, урд талын камер нь 5 МП нягтаршилтай. Хичээл, видеочат болон өдөр тутмын хэрэглээнд хангалттай шийдэл болж өгнө.
Дуугаралтын хувьд Galaxy Tab A11+ нь Dolby Atmos дэмжсэн 4 чанга яригчтай, мөн уламжлалт 3.5 мм-ийн чихэвчний оролттой.
Цэнэглэгч талд 7040 мА·ц багтаамжтай том аккумулятор суурилуулсан бөгөөд 25 Вт хурдан цэнэглэлтийг дэмждэг. Мөн Wi-Fi 5, Bluetooth 5.3, GPS, түүнчлэн хүссэн тохиолдолд 5G модемийн сонголттой.
Үнэ болон загварууд
Galaxy Tab A11+ дараах хувилбаруудаар худалдаалагдаж байна:
- 256 ГБ (5G) — 445 ам.доллар
- 128 ГБ (Wi-Fi) — 320 ам.доллар
- 256 ГБ (Wi-Fi) — 380 ам.доллар
- 128 ГБ (5G) — 380 ам.доллар
