“Самсунг Электроникс” компанийн ерөнхийлөгч И Жэ Ёны хүү И Жи Хо Өмнөд Солонгосын тэнгисийн зэвсэгт хүчинд орчуулагч офицерын албан тушаал хашихаар болсон талаар Ням гарагт тус улсын армийн эх сурвалж мэдээлжээ.
И Жи Хо нь гадаадын зэвсэгт хүчинтэй хамтарсан байлдааны сургуулилалтын үед командлагчдын хоорондын харилцаа холбоог хангах зорилгоор орчуулагчаар ажиллах үүрэгтэй аж. Түүний гүйцэтгэх ажил нь хамтарсан ажиллагааны үед мэдээлэл дамжуулалт, ойлголцлын нарийвчлалыг хангах чиглэлд төвлөрөхөөр байна.
Өнгөрсөн оны арваннэгдүгээр сард Сөүлээс зүүн өмнө зүгт 380 км зайтай Чанвон хотын Тэнгисийн цэргийн академид болсон ёслолоор 89 шинэ офицер тангараг өргөсөн бөгөөд И Жи Хо тэдний нэг байжээ.
Тэрээр 2000 онд АНУ-д төрсөн, хоёр улсын давхар иргэний харьяалалтай байсан ч Өмнөд Солонгосын иргэний үүргийн хүрээнд цэргийн алба хаахаар АНУ-ын харьяаллаас татгалзсан гэж мэдээлэлд дурдсан байна.
