Саудын Араб дэлхийн спорт, цахим тоглоомын төв улс болох зорилгоор өргөн хүрээтэй цахим спортын мастер төлөвлөгөө боловсруулжээ. Энэ нь тус улсын эдийн засаг, нийгмийг байгалийн баялгийн нөөцөөс хэт хамааралтай байлгахгүйн тулд хэрэгжүүлж буй “Vision-2030” хөтөлбөрийн нэг хэсэг юм.
Стратегийн ач холбогдол
Саудын Арабын Хөрөнгө оруулалтын сайд Халид бин Абдулазиз аль-Фалих онцлохдоо цахим спорт, видео тоглоомд хөрөнгө оруулах нь стратегийн хувьд онцгой ач холбогдолтой гэжээ. Түүний хэлснээр, нефть, түүхий эд өнөөдөр дэлхийн эдийн засгийн гол хөдөлгөгч хүч хэвээр байгаа ч ирээдүйд цахим спорт хүний нөөцөд тулгуурласан шинэ баялгийн эх үүсвэр болж чадна.
Тоон мэдээлэл ба зорилтууд
- Тус улсын хүн амын 67 хувь буюу 23.5 сая иргэн тогтмол видео тоглоом тоглодог.
- Цахим спортын зах зээл 2030 он гэхэд 6.8 тэрбум ам.долларт хүрч, 39 мянган ажлын байр бий болно гэж тооцоолж байна.
- Төлөвлөгөөний хүрээнд таван хотдоо нийт 15 орчин үеийн цэнгэлдэх хүрээлэн барихаар болжээ.
- Цахим спортын дэлхийн хамгийн том өрсөлдөөн болох ДАШТ-ийг зохион байгуулах зорилт тавьсан байна.
Эр-Риядын жишээ
Цахим спортын хөгжлийг түлхүү дэмжиж буйг харуулах нэг жишээ бол саяхан Эр-Рияд хотноо болсон Esports World Cup 2025 тэмцээн юм. Энэ тэмцээнд Монголын “The MongolZ” баг аваргалж, алтан цомын эзэн болсон нь цахим спортын шинэ эрин үеийг тодорхойлсон үйл явдал байлаа.
1 сэтгэгдэл
Энэ бол дажгүй юм – зөвхөн тос төдийгүй спорт ч одоо “шинэ тос” болж байна.