Сингапурт болсон Token2049 бага хурлын үеэр Tether-ийн үүсгэн байгуулагчдын нэг Рив Коллинз 2030 он гэхэд уламжлалт валютууд бүрэн шинэчлэгдэж, тэдгээрийг блокчэйнд суурилсан тогтвортой койн (stablecoin) орлох болно гэж онцлов. Түүний үзэж буйгаар ойрын таван жилд stablecoin-ууд уламжлалт банкны системд ч гол хэрэгсэл болж, мөнгө шилжүүлэх хамгийн үр ашигтай шийдэл болон төлөвшиж байна.
Stablecoin-уудын давуу тал
Коллинзийн хэлснээр:
- Блокчейнээр дамжуулан мөнгө шилжүүлэх нь илүү хурдтай, хямд, ил тод байдаг.
- Валют өөрийн нэрээ хадгалсан ч хэлбэрээ өөрчилж, дижитал хувилбар болж байна.
- Банкууд болон корпорациуд аль хэдийн өөрийн тогтвортой койныг гаргах сонирхолтой болсон.
- Төвлөрсөн ба төвлөрсөн бус санхүүгийн зааг аажмаар бүдгэрч, токенжуулсан хөрөнгө уламжлалт хэрэгслүүдээс илүү боломжуудыг нээж байна.
Эрсдэл ба сорилтууд
Stablecoin-ийн ирээдүй тодорхой бус хэсгүүд ч бий. Коллинзийн онцолсноор:
- Ухаалаг гэрээний эмзэг байдал
- Блокчейн хоорондын гүүрийн аюулгүй байдал
- Крипто түрийвчний хамгаалалт
- Хакерын халдлага зэрэг нь тогтвортой хөгжлийн өмнө тулгамдсан асуудал хэвээр байна.
Гэсэн ч хамгаалалтын түвшин тасралтгүй өсөж байгаа бөгөөд хэрэглэгчид хөрөнгөө бие даан хянах эсвэл тусгай үйлчилгээ үзүүлэгчдэд итгэх сонголттой болж байна.
Ирээдүйн төлөв
Коллинзийн дүгнэлтээр, технологийн бэрхшээлийг үл харгалзан санхүүг блокчэйнд нэгтгэх үйл явц эргэлт буцалтгүй болжээ. Stablecoin-ууд дэлхийн гүйлгээ, хадгаламжийн үндэс болж, мөнгөний системийг эрс шинэ шатанд гаргах нь дамжиггүй.
2 сэтгэгдэл
2030 гэхэд ийм өөрчлөлт болох эсэхэд эргэлзэж байна
Технологи хурдтай хөгжиж байгаа болохоор боломжтой ч юм шиг