Ази: фаворит биш ч “тоглоомын дүрмийг өөрчлөгч” бүс нутаг
StarLadder Budapest Major 2025 тэмцээнд оролцох багуудын дийлэнх нь уламжлал ёсоор Европ, Америкийн супер бүсээс бүрдэж байгаа ч Ази тив урьдын адил гэнэтийн бэлгүүдээ нуусан хэвээр байна.
2025 оны турш Азийн Counter-Strike 2 эрчимтэй хөгжиж, тус бүс нутгийн хэд хэдэн баг тогтмол Tier 1 тэмцээнүүдийн сүүлийн шатанд шалгарч, дэлхийн шилдгүүдтэй мөр зэрэгцэн тоглох түвшинд хүрчээ.
Esports Insider-ийн гаргасан гурван хэсгээс бүрдэх урьдчилсан мэдээний гурав дахь, сүүлийн хэсэг нь Будапешт рүү зорьж буй Ази багуудын талаар төвлөрч байна. Харин Европ, Америкийн багуудын талаарх эхний хоёр хэсгийг тусад нь дүгнэсэн билээ.
Далайн бүсийн ганц “том буу”: FlyQuest юу хийж чадах вэ?
Будапештад Австрали тивийг төлөөлөн ганцаараа “гол хүчний” статустай очиж буй баг бол FlyQuest. Тэдний зорилго тодорхой. 2025 оны эхэнд BLAST.tv Austin Major дээр эзэлсэн 27 орчим байраасаа ахиж, мажорын тайзан дээр илүү хол явах.
Жастин “jks” Savage дахин гарааны бүрэлдэхүүнд нэгдсэн нь багийн тоглолтод мэдэгдэхүйц өөрчлөлт авчирсан. Наймдугаар сард FlyQuest нь HUNS Esports-ийг ялж, BLAST Asia Rising Ulaanbaatar 2025 тэмцээнд түрүүлсэн нь 2025 оны цорын ганц түрүү боловч тэдний чансаа, өөртөө итгэх итгэлийг нь эрс нэмсэн.
Тэдний сүүлийн том шалгалт болох PGL Masters Bucharest 2025 дээр FlyQuest плей-оффын эрхээс маш яльгүй мултарсан ч Fnatic болон 3DMAX багуудыг хожиж, Европын нэр хүндтэй багуудтай нүүр тулан өрсөлдөх чадвартайгаа харуулсан.
2025 оноос хойш Австрали төвтэй баг Major-ын плей-оффт шалгарч чадаагүй хэвээр байгаа ч FlyQuest туршлага, тоглолтын уян хатан тактик, “LAN”-ы ноён нуруу сайтай тоглогчдоороо том нэрстэй багуудыг гэнэтийн байдлаар “унтраах” бүрэн потенциалтай байна.
FlyQuest-ийн 2025 оны гол үзүүлэлтүүд:
- BLAST.tv Austin Major — Top 27 орчим байр
- BLAST Asia Rising Ulaanbaatar 2025 — Аварга
- PGL Masters Bucharest 2025 — плей-оффын ирмэг дээр зогссон ч Fnatic, 3DMAX-ийг ялсан
Хятад: Lynn Vision, TYLOO, Rare Atom – “нуугдмал” айдас
Монголын өсөлттэй зэрэгцэн Хятадын Counter-Strike ч хурдтай сэргэж байна. Цөөн хэдэн байгууллага тогтмол Tier 1 тэмцээнүүдэд харагдах болж, томоохон багуудын толгойны өвчин болж эхэлсэн.
Rare Atom болон Lynn Vision Gaming анх мажор тэмцээнд орж эхлээд Европ, Америкийн хүчирхэг багуудтай тулж, муухан үнэлэгдэж байсан ч жилийн явцад эрс ахиц гаргасан.
Austin Major дээр Lynn Vision онцгой гүйцэтгэл үзүүлж, эхний шатанд Хойд Америкийн гол найдваруудыг замаас нь хассан. Тэд тавдугаар шатанд NRG-г ялж 2-р шатанд гарч ирээд зогсохгүй, цааш Team Falcons болон B8 багийг хожиж, 3-р шатанд шалгарсан. Ингэснээр Lynn Vision нь мажорын түүхэнд хамгийн өндөр байр эзэлсэн Хятадын баг болж түүхэнд үлдлээ.
2025 оны турш TYLOO нь Хятадын олон улсын амжилтыг удирдан чирсэн хэвээр байсан. FISSURE Playground 1 тэмцээнд түрүүлсний дараа Valve бүсийн чансаа (VRS)-д эхний 10-т багтаж, дэлхийн шилдгүүдийн эсрэг тоглоход илүү олон урилга, боломж авсан. Ялалтын дараа тогтвортой байдлаа хадгалах тал дээр асуудал үүссэн ч, Budapest Major-ын 3-р шатанд орсон юм.
Хятадын багуудын онцлох баримтууд:
- Lynn Vision — Austin Major дээр 3-р шатанд хүрч, Хятадын түүхэн дээд амжилтыг тогтоосон
- TYLOO — FISSURE Playground 1 аварга, VRS-д Top10-т багтсан
- Rare Atom — бүсийн өсөлтийг даган тогтвортой сайжирч буй багуудын нэг
Ийм нөхцөлд Budapest Major дээр Хятадын ялалтын бүхий л боломж Lynn Vision болон TYLOO хоёрт төвлөрөх нь ойлгомжтой.
The MongolZ: Тэд тайзан дээр дахин гялалзаж чадах уу?
Остин мажор дээр хоёрдугаар байрт орсны дараа The MongolZ нь Counter-Strike цахим спортын дэлхийн оргилд хүрэх мөрөөдөл хоосон биш гэдгийг баталсан. Үүний дараа тэд BLAST Bounty Season 2 тэмцээнд Team Spirit-ийн араас хоёрдугаар байрт орж, томоохон хэд хэдэн цувралд тоглолтын чанараа баталгаажуулсан.
Үүгээр ч зогсохгүй The MongolZ нь Esports World Cup-д түрүүлж, тус багийг тогтвортой хүчирхэг баг гэдгийг харуулсан. Дараа нь FISSURE Playground 2 дээр дахиад л финалд хүрч, хоёрдугаар байранд орсон ч 10-р сарын Valve бүсийн чансааг (VRS) тэргүүлж, албан ёсоор бүс нутгийн шилдэг болсон.
ESL Pro League Season 22-ийн плей-оффт гарч чадаагүй нь багагүй шүүмжлэл дагуулсан ч The MongolZ-ийн тоглолтын ур чадвар, механик чансаа хамгийн өндөр түвшинд хэвээр байгааг олон хүн хүлээн зөвшөөрдөг.
Гэхдээ баг Budapest Major-ын өмнө гэнэтийн, зоримог шийдвэр гаргасан — М.Азбаяр “senzu”-г гарааны тавцангаас сэлгээнд суулгаж, түүний оронд Б.Өнөдэлгэр “controlez”-г оруулсан.
28 настай controlez нь Chinggis Warriors-т тоглож байхдаа, тэр дундаа IEM Chengdu 2025, BLAST Rivals Fall 2025 тэмцээнүүд дээр том тайз, өндөр дарамтыг дааж чадна гэдгээ харуулсан туршлагатай тоглогч.
Senzu сэлгээнд суусан ч The MongolZ нь Budapest Major-ын гол өрсөлдөгчдийн нэг хэвээр байна. Тэд дэлхийн түвшний буудалттай, олон улсын LAN-ы асар их туршлага хуримтлуулсан бөгөө бүс нутгийг төлөөлөх асар их хүлээлтийг тээж яваа.
The MongolZ-ийн 2025 оны гол амжилтууд:
- BLAST.tv Austin Major — 2-р байр
- Esports World Cup — Аварга
- BLAST Bounty Season 2 — 2-р байр (Team Spirit-ийн ард)
- FISSURE Playground 2 — 2-р байр
- VRS October 2025 — #1 байр
Одоо тэдний хийх ёстой зүйл бол формоо яг зөв цагт, Будапештын тайзан дээр тэсэлж гаргах.
Будапештын тавцанд Азийн гэнэтийн бэлэг хэн байх вэ?
StarLadder Budapest Major 2025 нь Ази тивийн хувьд өөрсдийгөө жинхэнэ утгаар нь баталгаажуулах тэмцээн юм.
- FlyQuest — Австралийн сүүлийн том найдвар
- Lynn Vision, TYLOO — Хятадын шинэ үеийн хүч
- The MongolZ — Мажорын финал хүрсэн түүхээ давтах уу, эсвэл давж бичих үү?
Европ, Америкийн супер багууд одоогоор шугамын урд талд жагсаж байгаа ч Ази тивийн багууд 2025 онд хангалттай олон удаа “фаворит” багуудыг сөхрүүлсэн. Будапештад тэд үүнийг дахин нэг удаа, илт том тавцан дээр, илүү их хамааралтай тоглолтууд дээр хийхэд бэлэн харагдаж байна. Хэн нь гэнэтийн үлгэрийн гол дүр болохыг одоо тэмцээн л харуулна.
