Tesla компани Хятадын зах зээлд зориулсан Model YL нэртэй шинэ том кроссовер загвараа албан ёсоор зарлалаа. Энэ нь Model Y-ийн өргөтгөсөн хувилбар бөгөөд тэнхлэг хоорондын зай, өндөр хэмжээ нэмэгдсэнээр зургаан хүний суудалтай болж, гурван эгнээг багтаасан анхны Model Y болж байна. Албан ёсны зарлал Weibo сүлжээнд нийтлэгдсэн бөгөөд намар худалдаанд гарна.
Model YL загвар нь шинэчлэгдсэн Model Y-ээс 180 мм урт, 24 мм өндөр бөгөөд тэнхлэг хоорондын зай 150 мм-ээр өссөнөөр гурав дахь эгнээг суулгах боломжтой болсон. Ингэснээр зургаан зорчигч тээвэрлэх хүчин чадалтай болж, илүү өргөн уужим салонтой болжээ.
Гаднах, дотор талын өөрчлөлтүүд
Хятадын Аж үйлдвэр, мэдээллийн технологийн яамны мэдээллийн сангаас харахад Model YL нь сунгасан суурь, өндөр пропорцтой загвартай. Салон нь 2+2+2 эсвэл 2+3+1 хэлбэртэй байж болох ч энэ нь албан ёсоор батлагдаагүй байна.
Үнэ, өрсөлдөөн
Model YL-ийн үнэ одоогоор тодорхойгүй байгаа ч 50,000 ам.долларт хүрч болзошгүй. Энэ нь илүү үнэтэй LG-ийн батерей болон нэмэгдсэн хэмжээтэй холбоотой гэж үзэж байна. Харин Хятадын зах зээл дээр Nio Onvo L90 зэрэг гурван эгнээ суудалтай загваруудыг 39,000 ам.доллараар санал болгож буй нь Теслаг илүү бодит үнээр өрсөлдөхөд хүргэж байна.
Зах зээлийн нөхцөл ба эрсдэл
Хятад дахь цахилгаан машины эрэлт өндөр, хэрэглэгчид илүү боломжийн үнэтэй, практик загвар хайж байгаа энэ үед Тесла хэт өндөр үнэтэй Model YL-ээр биш харин хямд хувилбараар өрсөлдөх шаардлагатай болж байна. Үгүй бол тус компани зах зээл дэх байр сууриа алдах эрсдэлтэй.
