Counter-Strike 2 (CS2) тоглоомын Азийн аварга шалгаруулах “eXTREMESLAND 2025” тэмцээн 2025 оны 12-р сарын 18-21-нд Хятадын Шанхай хотод болно. 150,000 ам.долларын шагналын сантай энэхүү тэмцээнд Монгол Улсыг төлөөлөх багийг сонгох шалгаруулалт өчигдөр явагдаж, “The Huns Esports” баг ялалт байгууллаа.
Тоглоомын тойм: Аваргын төлөө “The Huns Esports” баг 2025 оны 6-р сард дэлхийн аварга шалгаруулах тэмцээнд оролцсон “Chinggis Warriors” багтай Bo3 (гурван картаар ялагчийг тодруулах) форматаар өрсөлджээ. Тоглоомын үр дүн:
- Inferno карта (The Huns-ийн сонголт): 7:13-аар “Chinggis Warriors” хожив.
- Overpass карта (Chinggis Warriors-ийн сонголт): 13:7-оор “The Huns Esports” хожлоо.
- Nuke карта (шийдвэрлэх): 13:9-өөр “The Huns Esports” ялалт байгуулж, нийт 2:1-ээр тэргүүллээ.
Ийнхүү “The Huns Esports” баг “eXTREMESLAND 2025” тэмцээнд Монгол Улсыг төлөөлөн оролцох эрхээ авлаа.
Багийн бүрэлдэхүүн: “The Huns Esports” багийн тоглогчид:
- nin9 (Г.Есөнтөмөр)
- Bart4k (Б.Баатархүү)
- cobrazera (У.Анарбилэг)
- xerolte (Э.Мөнхтогтох)
- skOR (Б.Тэнгис)
Өмнөх амжилт: “eXTREMESLAND 2023” тэмцээнд Монголын “The MongolZ” баг аваргын цом хүртэж, 25,000 ам.долларын шагнал авсан билээ. “The Huns Esports” баг энэ удаад Монголын нэрийг өндөрт өргөхийг зорьж байна.
