Монголын цахим спортын төлөөлөл “The MongolZ” баг PGL Astana 2025 тэмцээний плей-оффын шөвгийн наймын шатанд Турк тоглогчидтой, Сербид төвтэй “Aurora” багт 0-2 гэсэн харьцаатай ялагдал хүлээж, тэмцээнээ өндөрлүүллээ. Монгол баг ийнхүү финалын шатанд хүрэлгүй тэмцээнээ зогсоож, удахгүй АНУ-ын Даллас хотод болох дараагийн тэмцээн рүү анхаарлаа хандуулахаар болжээ.
Плей-оффын тоглолтууд өчигдөр буюу тавдугаар сарын 16-нд Астанагийн Барыс аренад эхэлж, “The MongolZ” болон “Aurora” багууд 13:00 цагаас анхны тоглолтыг хийсэн. 2024 оноос хойш хоёр баг зургаан удаа таарч тоглохдоо өмнө нь дөрвөн удаад нь Монголын баг ялалт байгуулж байсан. Сүүлд болсон IEM Katowice 2025 тэмцээнд ч мөн 2-0-ээр ялж байв. Гэвч энэ удаагийн тулаанд “Aurora” баг тактик, ур чадвараараа давамгайлж, ялалтыг өөрийн болгож чадсан юм.
Плей-оффын бусад тоглолтууд:
- Astralis vs NAVI
- FURIA vs MIBR
- NIP vs Spirit
Тэмцээний хагас шигшээ тоглолтууд маргааш үргэлжилж, аварга баг Ням гаригт тодрох юм.
