CS2-ийн “ESL Pro League Season 23” тэмцээний 1-р шатны тоглолтууд дуусаж, 2-р шатанд өрсөлдөх 16 багийн бүрэлдэхүүн тодорлоо.
Олон улсын 1xBet брэндийн албан ёсны түнш The MongolZ баг дэлхийн чансааны оноогоор 2-р шатанд шууд уригдан оролцож байна. Манай баг эхний тойрогт Бразилын paiN Gaming-тэй өнөө шөнө 23:30 цагт тоглохоор хуваарьлагджээ. paiN Gaming баг 1-р шатыг 3 хожил, 1 хожигдолтой давсан байна.
Хоёр баг өмнө нь зургаан удаа таарахад The MongolZ таван удаа ялж байжээ. Хамгийн сүүлд PGL Cluj-Napoca 2026 тэмцээний хэсгийн шатанд тоглоход The MongolZ өрсөлдөгчөө хожсон байна.
“ESL Pro League Season 23” нь гурван шаттай. 1 болон 2-р шатанд тус бүр 16 баг тойргийн журмаар тоглож, 2-р шатанд 3 хожил авсан найман баг плей-оффт шалгарна. Шагналын сангийн хувьд түрүүлсэн баг 250,000 ам.доллар, дэд байр 155,000 ам.доллар, гуравдугаар байр 110,000 ам.долларын шагнал хүртэхээр төлөвлөгджээ.
