Соёлын сайд Ч.Ундрамын мэдэгдэл шуугиан тарьжээ
2025 оны 9-р сарын 18-нд Монголын цахим спортын тэргүүн баг “The MongolZ” Соёлын сайд Ч.Ундрамын хэвлэлийн ярилцлагад гарсан мэдэгдлийг эрс үгүйсгэж, албан ёсны хариу нийтэлсэн байна. Энэ асуудал нийгмийн анхаарлыг татаж, багийн санхүүжилтийн эх үүсвэрийг хөндөжээ. У.Чинзоріг.
Ч.Ундрамын ярилцлагын гол санаа
Соёлын сайд Ч.Ундрам хэвлэлд: “Нэгдүгээрт, Ч.Номин Соёлын сайд байх үед БТСУХ-гоор дамжуулан МонголЗ багт тодорхой хэмжээний мөнгөн дүнгийн санхүүжүүлт олгосон. Хоёрдугаарт, тухайн багийнхан УИХ-ын гишүүн Сайнзоригоор дамжуулан Соёлын Элч болох хүсэлт гаргасан байна лээ. Хүсэлтийнх нь дагуу энэ хүмүүсийг Соёлын Элч болгохыг Гадаад хэргийн яаманд уламжилсан. Миний сонссоноор, The MongolZ багийг үүсгэн байгуулсан холбооны Удирдах зөвлөлд төрийн өндөр албан тушаал эрхэлж байгаа хүний гэр бүлийн хүн байдаг учир улс төргийн ажилд тэднийг ашиглах нөхцлийг бүрдүүлсэн гэж байна лээ. Өөрсдийнхөө хүсэл сонирхлоор спортоор хичээллэж, олон улсад очиж тоглоод амжилт гаргасан хүмүүст хууль журамгүй тохиолдолд заавал татвар төлөгчдийн мөнгөнөөс урамшуулал өгөх албагүй!” хэмээн хэлжээ.
The MongolZ-ийн албан ёсны хариу
“The MongolZ” баг энэ мэдэгдлийг шууд няцааж, өөрийн байр сууриа илэрхийлсэн:
“1. Организаци MongolZ Esports татвар төлөгчдийн мөнгөнөөс 1 ч төгрөг аваагүй. Авахгүй.
2. Манай арын албанд улс төртэй холбоотой хүн ажилладаггүй. Ажиллахгүй.
3. Бид ямар нэг холбоонд харьяалагддаггүй, үйл ажиллагаагаа бие даан явуулдаг. Харьяалагдахгүй…” гэжээ.
Багийн мөнгөний эх үүсвэр: Шагнал, спонсор, үндэсний дэмжлэг
“The MongolZ” багийн санхүүжилтийн гол эх үүсвэр нь олон улсын тэмцээнүүдийн шагналын орлого, хувийн спонсор болон үндэсний спортын дэмжлэг юм. Багийн нийт шагналын орлого 1.46 сая ам.долларыг давсан бөгөөд энэ нь тэдний амжилтын үр дүн.
Гол спонсор болох 1xBet компани 2023 оноос хойш тэднийг дэмжиж, сургалт, аялал, тоног төхөөрөмжийн зардалд хөрөнгө оруулж байгаа.
2025 оны 3-р сард Монгол Улсын үндэсний esports баг болсон тул засгийн газраас цалин, дипломат паспорт, олон улсын тэмцээний аялал, байр, сургалтын төвийн дэмжлэг авч эхэлсэн ч энэ нь татварын мөнгөний шууд зардал биш, харин үндэсний спортын бодлогын хүрээнд зохицуулагдсан байдаг. Багийн менежмент өмнө нь хувийн хөрөнгөөр дэмжиж байсан ч одоо олон улсын түвшинд бие даасан байдлаа хадгалж байна.
