37
Олон хэрэглэгч утасны санах ой болон батарейг хэмнэхийн тулд ашигласан бүрийнхээ дараа бүх програмыг хажуу тийш нь шударч хаах зуршилтай байдаг. Гэвч орчин үеийн ухаалаг утасны үйлдлийн системүүд нь процессын удирдлагыг өөрөө гүйцэтгэдэг тул ийм үйлдэл хийх шаардлага бараг байдаггүй. Зарим тохиолдолд бүр эсрэгээрээ, төхөөрөмжийн ажиллагааг сулруулах эрсдэлтэй.
Яагаад гараар хаах шаардлагагүй вэ?
- Android ба iOS хоёулаа процесс удирдах өөрийн алгоритмтай.
- Хэрэглэгч програмаас гарахад тэр нь унтах горимд орж, RAM-ийн багахан зай эзэлдэг ч батарей болон процессорыг бараг ачаалдаггүй.
- Дараагийн удаад програмыг нээхэд илүү хурдан ажиллах нөхцөл бүрддэг.
Жишээ:
- Samsung One UI, Honor MagicOS, Xiaomi HyperOS зэрэг Android-ийн хувилбарууд шаардлагатай үед арын аппликейшнуудыг автоматаар цэвэрлэдэг.
- iOS дээр бол механизм бүр ч хатуу — програмууд ихэвчлэн зүгээр л “хөлддөг” тул тэдгээрийг гараар хаах нь утгагүй.
Сөрөг тал:
Аппликейшныг байнга хүчээр хаах нь ашиг тусаа өгөхгүй. Харин ч эсрэгээрээ: дахин эхлүүлэх бүр нь илүү их эрчим хүч, нөөц шаарддаг тул утасны хурдыг удаашруулдаг.
Хэзээ гараар хаах шаардлагатай вэ?
- Програм хөлдөх буюу ажиллахгүй болох үед
- Ноцтой алдаа үүсэхэд
- Тухайн аппликейшн батарейг хэт их хэрэглэж байвал (Үүнийг “Батерей” хэсгийн тохиргооноос шалгаж болно)
Бусад бүх нөхцөлд програмын ажиллагааг системд даатгах нь хамгийн зөв шийдэл гэж мэргэжилтнүүд зөвлөж байна.
