PGL Bucharest Major-ийн урилгуудыг сар бүрийн хамгийн сүүлийн шинэчлэгдсэн чансаанд тулгуурлан илгээхээр болсон бөгөөд аравдугаар сарын 6-нд болох шийдвэрлэх шинэчлэлтийн өмнөх Valve-ийн есдүгээр сарын чансаа гарлаа.
BLAST Bounty-ийн хоёрдугаар улирал болон Esports World Cup-ын үр дүн шинэчилсэн жагсаалтад шууд нөлөөлсөн.
Spirit баг IEM Cologne болон BLAST Bounty-д дараалан түрүүлснээр Vitality-г ардаа орхин чансааг тэргүүлэв. Aurora Esports World Cup-ын финалд шалгарснаар 11-р байрнаас 6-р байр хүртэл огцом ахиж чадсан бол 3DMAX ДАШТ-д 13-р байр эзэлсний дараа 8-р байрт дэвшсэн байна.
Харин FaZe 8-аас 12-р байр хүртэл буурсан бол FURIA 6-аас 10-р байр хүртэл унасан. Passion UA DraculaN-ийн эхний улиралд хожил авч чадаагүйгээс 20-оос 33-р байр хүртэл буурсан нь энэ удаагийн чансааны хамгийн том уналтад тооцогдож байна.
Энэ сарын чансааг ашиглан 16 багийг 1.25 сая ам.долларын шагналын сантай PGL Bucharest Season 2 тэмцээнд урьж оролцуулах бөгөөд тэмцээн аравдугаар сарын 25-наас арваннэгдүгээр сарын 2-ны хооронд болно.
Valve-ийн чансааны систем (VRS) нь 400 суурь онооноос эхэлдэг бөгөөд цуглуулсан шагнал, санал болгосон шагнал, өрсөлдөгчийн сүлжээ, LAN тэмцээний ялалт болон толгой-Толгой харьцуулалтын оноогоор нэмэгдэж, эцсийн байр суурийг тодорхойлдог.
