Орчин үеийн ухаалаг утас бидний өдөр тутмын амьдралын салшгүй хэсэг болсон ч батарей нь цаг хугацааны явцад элэгдэж, ялангуяа TikTok, Instagram, өндөр графиктай тоглоом зэрэг “хүнд” аппликейшнүүд хэрэглэснээр илүү хурдан мууддаг. Шинэ боломжууд, тухайлбал Apple Intelligence ч бас ачааллыг нэмэгдүүлж байна. Гэвч та зөв тохиргоо ашигласнаар iPhone-оо илүү удаан цэнэг барьдаг болгох боломжтой.
Юу батарейг хамгийн их зарцуулж байгааг шалгаарай
Видео аппликейшн, навигаци, тоглоом зэрэг нь гол “цэнэг идэгчид” юм. Хэрэв ямар нэгэн апп ажиллаж байх үед утас тань халж байвал анхаарах дохио. “Settings” → “Battery” цэс рүү орж, хэрэглээний дэлгэрэнгүйг шалгаарай. Систем тухайн апп хэр их эрчим хүч зарцуулж байгааг харуулна.
Цэнэг сорогч аппликейшнүүдийг хянаж сур
Нийгмийн сүлжээний апп-ууд батарейг эрчимтэй ашигладаг. TikTok эсвэл Instagram-аа устгах, хавтас дотор нуух эсвэл хэрэглээний хугацаанд хязгаар тогтоох (“Settings” → “Screen Time” → “App Limits”) нь тусална. Хэт их скроллохоос татгалзсанаар таны батарей илүү удаан тэснэ.
Гэрэл болон автомат түгжээг бууруулах
Гэрэлтэй дэлгэц нь цэнэгийн гол “идэгч” учраас “Control Center”-оос (баруун дээд булангаас доош гүйлгэж) гэрлийг бууруулах эсвэл “Settings” → “Display & Brightness” хэсгээс тохируулж болно. Мөн автомат түгжих хугацааг багасгаснаар хэрэггүй үед дэлгэц асч цэнэг зарцуулахаас сэргийлнэ.
“Low Power Mode” – таны хамгийн сайн туслагч
Энэ горим фонов үйл явц, дэлгэцийн тод байдал зэргийг багасгаж, “Always On” функцыг идэвхгүй болгодог. “Settings” → “Battery” → “Low Power Mode” цэс рүү орж идэвхжүүлснээр та цэнэг дуусахаас өмнө л асуудлаа шийднэ.
Батарейгаа хэзээ солих вэ?
Цаг хугацаа өнгөрөх тусам батарейн багтаамж буурдаг. “Settings” → “Battery” → “Battery Health & Charging” хэсгээс батарейнхаа эрүүл мэндийг шалгаарай. Хэрэв багтаамж нь 80 хувиас доош орсон бол солих талаар бодох хэрэгтэй. Хуучин батарей хөөж, утсаа гэмтээх аюултай.
Эдгээр энгийн алхмууд таны iPhone-ыг цэнэгээ удаан барьдаг болгохоос гадна стрессгүй, найдвартай холбоотой байхад тусална. Батарейгаа зөв арчлаарай – таны төхөөрөмж таныг удаан үйлчилнэ!
