Жил бүрийн хамгийн том Dota 2 тэмцээн болох “The International 2025” хаалтаа хийж, esports-ийн ертөнцөд мартагдашгүй мөчүүдийг үлдээв. Энэ жил Хятадын багууд эргэн сэргэж, олон фэнүүдийн итгэлийг төрүүлсэн ч, олон жилийн турш “Титэмгүй хаан” хэмээн нэрлэгдсэн Ame аваргын титмээ дахин авч чадсангүй.
Хятадын багуудын эргэн ирэлт
- “Xtreme Gaming” болон “Tidebound” багууд хэсгийн шатанд хүчтэй тоглолт үзүүлж, хасагдах шатанд шалгарсан.
- “Tidebound” баг шөвгийн наймд “Falcons”-т ялагдан тэмцээнээ дуусгасан бол Ame-гийн “Xtreme Gaming” гайхалтай тоглолтоо үргэлжлүүлэн финалд хүрэв.
Гал гарсан финал
Финалд “Xtreme Gaming” ба “Team Falcons” багууд таван тоглолтод тултал ширүүн өрсөлдсөн. Гэвч шийдвэрлэх тоглолтод “Falcons” ялалт байгуулж, анхны TI аваргаа хүртэв. Энэ ялалт нь:
- Skiter, Sneyking нарын хувьд хоёр дахь удаагийн TI түрүүлэлт болов.
- Cr1t, Ammar, Malr1ne нарын хувьд анхны аваргын титэм байлаа.
Ame-гийн гунигт түүх үргэлжилсээр
Ame ийнхүү гурав дахь удаагаа TI-ийн финалд шалгарсан ч дахин ялагдсанаар 0:3 гэсэн сөрөг статистик-ийн эзэн болж үлдлээ. Энэ нь түүнийг улам бүр “титэмгүй хаан” хочийг баталгаажуулсан мэт харагдуулж байна. Dota 2 сонирхогчдын дунд Ame ойрын жилүүдэд дахин түрүүлэх боломж бага, бүр зодог тайлах магадлалтай гэсэн таамаг газар авчээ.
Дасгалжуулагч Aui_2000-ын түүхэн амжилт
- 2015 онд Evil Geniuses-ийн тоглогчийн хувиар аварга болсон.
- 2022 онд Tundra багийг дасгалжуулагчаар удирдан түрүүлсэн.
- 2025 онд Falcons багийн хамтаар дахин түрүүлснээр TI-ийн дасгалжуулагчаар 2 удаа аваргалсан анхны хүн, карьерынхаа туршид нийт 3 удаагийн аварга болж түүхэнд бичигдлээ.
Дүгнэлт
“The International 2025” нь Ame-гийн гунигийн нулимсаар, харин Falcons-ийн баярын баяслын дунд өндөрлөв. Энэ жил Хятадын Dota 2 эргэн сэргэж буйгаа харуулсан ч аваргын цом “Falcons”-ын гараас өөр хэнд ч очсонгүй. Харин дараагийн TI хүртэл фэнүүдийн тэвчээрийг шалгасан урт хугацаа үлдэж байна.
2 сэтгэгдэл
TI 2025 үнэхээр сэтгэл хөдөлгөм тэмцээн байлаа
Aме дахин түрүүлэх боломжтой байсан ч аз дутаж дээ