Bleeping Computer-ийн мэдээлснээр OpenAI хэрэглэгчдийг хамгаалахын тулд GPT-4o загварт шинэ аюулгүй байдлын боломж нэвтрүүлж эхэлжээ. Энэ нь тодорхой нөхцөлд хэрэглэгчийн хүсэлтийг түр хугацаагаар өөр загвар руу чиглүүлэх боломжийг олгож байна.
Загварын өөрчлөлтийг хэрэглэгчид анзаарчээ
Саяхны байдлаар зарим хэрэглэгчид харилцан ярианы үеэр загвар ямар ч тайлбаргүйгээр өөрчлөгдөж байгааг анзаарсан байна. Хожим нь OpenAI энэ нь есдүгээр сарын эхээр зарласан шинэ чиглүүлэлтийн механизм болохыг баталжээ. Тус шийдэл хэдхэн хоногийн өмнөөс албан ёсоор хэрэгжиж эхэлсэн байна.
OpenAI-ийн тайлбар
OpenAI-ийн мэдээлснээр энэ арга хэмжээ нь:
- хэрэглэгчийн аюулгүй байдлыг бэхжүүлэх,
- технологийг өргөн хүрээнд түгээхээс өмнө бодит хэрэглээн дээр загваруудыг сургах зорилготой.
ChatGPT-ийн дэд ерөнхийлөгч Ник Турли X сүлжээнд “Дахин чиглүүлэлт нь мессеж бүрт хийгддэг бөгөөд анхдагч загвараас шилжих нь түр зуурынх юм. Хэрэв та асуувал ChatGPT аль загвар идэвхтэй байгааг хэлэх болно” гэж мэдэгдсэн байна.
Ирээдүйн хувилбаруудтай уялдаж буй нь
Энэ боломжийг идэвхгүй болгох боломжгүй бөгөөд үүнтэй төстэй арга нь аль хэдийн GPT-5 дээр ашиглагдаж байна. Тухайлбал, хэрэглэгч хиймэл оюун ухаанаас “бодох”-ыг хүссэн тохиолдолд gpt-5-thinking загвар идэвхждэг бол сэтгэл хөдлөл болон эрсдэлтэй сэдвээр харилцах үед gpt-5-chat-safety загвар ашиглагддаг аж.
2 сэтгэгдэл
AI улам ухаалаг болоод зогсохгүй аюулгүй байдлаа ч сайжруулж байна
Технологи хөгжих тусам аюулгүй байдлыг нэн тэргүүнд тавих хэрэгтэй