Монголын бахархал болсон The MongolZ баг дэлхийн хүчирхэг өрсөлдөгч GamerLegion-ийг ESL Pro League Season 22 тэмцээний Stage 2 шатанд 2:1 харьцаатайгаар буулган авч, дараагийн шатанд шалгарлаа.
Тоглолтын явц
Тулаан гурван мап дээр өрнөсөн бөгөөд манай баг эхнээсээ ялалтын эрчтэй тоглолтыг үзүүлэв.
- Inferno — The MongolZ 13:10 харьцаатай ялалт байгуулж, хүчтэй эхлэл тавив.
- Ancient — GamerLegion 13:11-ээр хожиж, тоглолтыг тэнцүүлэв.
- Nuke — The MongolZ төгс зохион байгуулалт, хурд, багийн нэгдмэл ажиллагаагаа харуулж, 13:7-ийн харьцаатайгаар ялалт байгуулав.
Багийн нэгдэл ба манлайлал
Багийн ахлагч Б.Гарьдмагнай (bLitz) болон багийн гишүүд М.Содбаяр (Techno4K), Б.Өсөхбаяр (910), Б.Аюуш (mzinho), М.Азбаяр (Senzu) нар тэмцээний турш өндөр түвшний тоглолт үзүүлж, Монголын цахим спортын нэрийг дэлхийн тавцанд дахин мандууллаа.
Тэдний ялалтад багийн албан ёсны ивээн тэтгэгч 1xBet болон бусад дэмжигч байгууллагуудын туслалцаа чухал үүрэг гүйцэтгэсэн бөгөөд The MongolZ-ийн амжилтын ард хүчирхэг дэмжлэг оршсоор байна.
Дараагийн сорилт — Gentle Mates
The MongolZ баг дараагийн тоглолтоо Испанийн Gentle Mates багийн эсрэг хийнэ. Энэ тоглолт нь багийн хувьд дараагийн шат руу ахих, тэмцээний хүрээнд илүү өндөр амжилтад хүрэх чухал тулаан байх болно.
