Kyxsan: “Оны шилдэг ахлагч”-аар “bLitz” тодрох магадлал өндөр

46

HLTV Awards 2025 — eSport-ын оны хамгийн хүлээлттэй ёслол

Цахим спортын ертөнцөд жил бүрийн хамгийн нэр хүндтэй арга хэмжээ болох “HLTV Awards 2025” ёслол тун удахгүй болох гэж байна. Энэхүү ёслолд дэлхийн шилдэг тоглогчид, дасгалжуулагчид болон багууд нэр дэвшсэн бөгөөд Монголын “The MongolZ” багийн гишүүд ч өөрсдийн төрөлд өрсөлдөж байгаа юм.

Kyxsan-ын таамаг

CS2 төрлийн “Team Falcons” багийн ахлагч Дамьян “kyxsan” Стоилковски өөрийн телеграм сувгийн нэвтрүүлэгт “Оны шилдэг ахлагч” төрөлд хамгийн өндөр магадлалтай гурван хүнийг нэрлэжээ.

Түүний таамаглалаар:

1. Дан “apEX” Мадесклер — Team Vitality
2. Леонид “chopper” Вишняков — Team Spirit
3. Гарьдмагнай “bLitz” Бямбасүрэн — The MongolZ

Kyxsan “bLitz”-ийг дэлхийн шилдэг гуравт нэрлэхдээ түүний тоглолтын удирдлага, стратегийн шийдвэр гаргах чадварыг онцолсон байна.

Ёслол Белград хотод болно

“HLTV Awards 2025” ёслолын ажиллагаа 2026 оны 1 дүгээр сарын 10-нд Сербийн нийслэл Белград хотноо зохион байгуулагдана. Цахим спортын шилдэг тамирчид, шинжээчид болон үзэгчид нэгэн дор цуглаж, улирлын амжилтаа дүгнэх энэхүү арга хэмжээ нь esports-ийн “Оскар” гэж нэрлэгддэг билээ.

“bLitz”-ийн мөрөөдлийн баг

Сонирхуулахад, Гарьдмагнай “bLitz” Бямбасүрэн өнгөрсөн наймдугаар сард CS2NEWS-т өгсөн ярилцлагадаа өөрийн “мөрөөдлийн баг”-ийг дараах байдлаар нэрлэж байв:

• Матье “ZywOo” Эрбо
• Шахар “flameZ” Шушан
• Леонид “chopper” Вишняков
• Данил “donk” Крышковец
• Робин “ropz” Коль

Эдгээр нэрсийг харахад “bLitz” дэлхийн шилдгүүдийг нэг багт төсөөлдөг болох нь тодорхой.