АНУ-ын гараг судлаачид Ангараг гаргийн соронзон мандлын онцлогийг судлах зорилгоор бүтээсэн “ESCAPADE” хэмээх гараг хоорондын хоёр автомат станцыг тэрбумтан Жефф Безосын үүсгэн байгуулсан “Blue Origin” компанийн “New Glenn” зөөгч пуужингаар сансарт амжилттай хөөргөлөө.
Ангараг руу чиглэсэн хос зондон хөөрлөө
Пуужин Флорида муж улсын Канавералын хошуунаас орон нутгийн цагаар 15:55 цагт хөөрч, хөөрснөөс 34 минутын дараа хоёр зонд Ангараг гаргийн чиглэлд салсан гэж “Blue Origin” мэдээлэв.
Эдгээр зонд 2027 оны есдүгээр сард Ангарагийн тойрог замд хүрэхээр төлөвлөгдсөн байна.
Хойшилсон хөөргөлт амжилттай болов
Анх 11-р сарын 9-нд хөөргөхөөр төлөвлөсөн ч:
- цаг агаарын таагүй нөхцөл
- нарны идэвхжил нэмэгдсэн
зэргээс шалтгаалан ажиллагааг хоёр удаа хойшлуулсан байв.
“New Glenn” – SpaceX-тэй өрсөлдөх хүчтэй зөөгч
“New Glenn” нь Илон Маскийн SpaceX-ийн пуужинтай өрсөлдөхүйц технологи гэж үзэгдэж байгаа бөгөөд энэ удаагийн хөөргөлт нь хоёр дахь амжилттай нислэг юм.
- Эхний туршилтын хөөргөлт: 2025 оны нэгдүгээр сар
- Тойрог замд амжилттай гарсан ч эхний шат “Jacklyn” нэртэй хөвөгч тавцан дээр буугаагүй
- Харин энэ удаагийн хөөргөлтөөр эхний шат амжилттай газардуулжээ
SIMPLEx – бага өртөгтэй сансрын судалгааны хөтөлбөр
“ESCAPADE” нь NASA-ийн хэрэгжүүлж буй “SIMPLEx” хөтөлбөрийн хамгийн том төсөл. Хөтөлбөр нь бага өртөгтэй, жижиг оврын сансрын судалгааны төхөөрөмжүүдийг бүтээж хөөргөх зорилготой.
2015 онд эхэлснээс хойш:
- 5 аппарат бүтээсэн
- “Janus” солирын судалгааны хоёр зондыг тодорхойгүй хугацаагаар хойшлуулсан
- Бусад гурван аппаратын хөөргөлт амжилтгүй болсон
Тиймээс судлаачид SIMPLEx-ийн хүрээнд хийгдэж буй хамгийн том төсөл болох “ESCAPADE” амжилттай хэрэгжихээс өндөр хүлээлттэй байна.
