GPT-5.2 суурьтай шинэ загвар болон зорилго нь зураг үүсгэх чадварыг ахиулав
OpenAI компани GPT-5.2 архитектур дээр суурилсан ChatGPT Images загварыг гаргаснаа зарлалаа. Шинэ загвар нь хиймэл оюуны дэвшилтэт технологид тулгуурлан зураг үүсгэх зориулалттай гэж мэдээлэв.
Текстээс зураг үүсгэхээс гадна нарийн засвар, деталийн хадгалалтыг онцолжээ
Компанийн мэдээлснээр ChatGPT Images нь текстэн хүсэлтээр зураг үүсгэх, мөн зургуудыг нарийн засварлах боломжтой бөгөөд деталийг хадгалах тал дээр онцгойлон анхаарчээ. Мөн зураг үүсгэх хурд өмнөх хувилбаруудаас дөрөв дахин нэмэгдсэн бөгөөд хүсэлтээр гарсан зургууд илүү бодитой, хэрэглэгчийн таалалд нийцэхээр болсон гэж дурдсан байна.
Шинэ интерфейс танилцуулж, 12-р сарын 16-наас хэрэглэгчдэд нээлээ
OpenAI ихэнх хэрэглэгчдэд зориулсан зурагтай ажиллах шинэчлэгдсэн интерфейсийг мөн танилцуулсан байна. Харин корпорацын хэрэглэгчдэд зориулсан нэвтрэх эрхийг арай хожим нээхээр төлөвлөж буйг мэдээлжээ. ChatGPT Images загвар нь 12 дугаар сарын 16-наас ChatGPT хэрэглэгчдэд нээлттэй болсон байна.
OpenAI компани 2022 онд DALL-E нэртэй зураг үүсгэх хиймэл оюуныг нэвтрүүлсэн бөгөөд уг систем нь хэрэглэгчийн текстэн тайлбараас (prompt) зураг үүсгэдэг гэж тэмдэглэв.
