NR-NTN технологиор операторын сүлжээтэй уялдуулах боломж
Fixed Focus Digital-ийн нэртэй инсайдерийн мэдээлснээр iPhone 18 Pro загварт анх удаа ашиглагдах Apple C2 модем нь хиймэл дагуулын интернэтэд холбогдох NR-NTN технологийг дэмжих төлөвтэй байна. NR-NTN нь “New Radio Non-Terrestrial Network” буюу үүрэн холбооны шинэ үеийн стандартыг хиймэл дагуулын сүлжээтэй уялдуулан ашиглах шийдэл бөгөөд операторын сүлжээгээр дамжуулж хиймэл дагуулын өргөн зурвасын холболтыг хүргэх, улмаар алслагдсан бүс нутагт сүлжээний хамрах хүрээг нэмэгдүүлэх зорилготой гэж тайлбарлажээ.
Starlink-ийн хэлэлцээ, аппликейшний дэмжлэг болон илүү тогтвортой холболтын зорилт
Өмнө нь Apple компани SpaceX-тэй Starlink дэмжлэгийг шинэ iPhone загваруудад нэгтгэх талаар хэлэлцэж байгаа гэх мэдээлэл гарч байсан. Мөн Bloomberg-ийн мэдээлснээр Apple хиймэл дагуулын интернэтийг янз бүрийн аппликейшнд ашиглуулах боломжийн хүрээнд ажиллаж, холбогдох API-г бэлтгэж байгаа гэж дурдсан байна.
Түүнчлэн тус компани хэрэглэгч iPhone-оо тэнгэр өөд чиглүүлэх шаардлагагүйгээр, дотор орчинд эсвэл хувцасны халаасанд байсан ч хиймэл дагуултай илүү тогтвортой холболт хийх технологи дээр ажиллаж байгаа талаар мөн мэдээлжээ.
