Казахстаны нийслэл Астана хотноо болсон PGL Astana 2025 тэмцээн онцлох мөч, гэнэтийн ялагдлуудаар дүүрэн болж, финалын шүгэл эгшиглэн өндөрлөлөө.
Хэсгийн шатны үр дүн ба хүлээлт
5-р сарын 14-нд өндөрлөсөн хэсгийн шатнаас Team Spirit, The MongolZ багууд 3-0 амжилтаар шалгарч, түрүү магадлал өндөртэй багууд хэмээн нэрлэгдэв. NAVI, Aurora ч мөн хүчтэй өрсөлдөгчөөр яригдаж байлаа. Харин FURIA, MIBR, NIP, Astralis нарыг олон хүн тооцоогүй нь хожим том алдаа болсон нь харагдав.
Шөвгийн найм: Гэнэтийн эргэлтүүд
The MongolZ баг Aurora-д 0:2 харьцаатай ялагдаж, шөвгийн наймаас хасагдав.
NAVI-г Astralis шүүмж дагуулсан тоглолтоор 2:1-ээр буулгаж авсан нь хамгийн том шуугиан байлаа.
FURIA нь MIBR-ийг 16-13, 13-2-оор ялсан.
Team Spirit баг NIP-ийг 13-8, 13-11-ээр буулган авсан.
Хагас шигшээ ба финалын зам
Astralis баг Aurora-г шийдвэрлэх Train мап дээр 13-3-аар хожиж, 2019 оноос хойш анх удаа S-Tier тэмцээний финалд шалгарсан. Харин Team Spirit нь FURIA-г гурван мапын дараа ялж, финалд шалгарсан бол Aurora хүрэл медаль хүртсэн.
Финал: Team Spirit улирлын хоёр дахь түрүүгээ авлаа
Dust2 – 13:5
Nuke – 13:10
Mirage – 5:13
Train – 16:13
Ингэснээр Team Spirit улирлын хоёр дахь цомоо гардсан бөгөөд тэдний тоглолт бүхий л шатанд илт давуу байлаа.
Тэмцээний шилдэг тоглогч
Финалын хамгийн шилдэг тоглогчоор Danil “donk” Kryshkovets тодорч, 86/58 K/D үзүүлэлт, 1.51 рейтингтэй байв. Тэрээр бүх тэмцээний турш тогтвортой өндөр амжилттай тоглосон нь энэхүү амжилтыг баталгаажууллаа.
Дараагийн тулаан: IEM Dallas ба Major 2025
PGL Astana 2025 хаалтаа хийсэн бол одоо IEM Dallas 2025 үргэлжилж байгаа бөгөөд тун удахгүй BLAST.tv Austin Major 2025 эхлэх гэж байна. Монголын The MongolZ баг хоёр ч тэмцээнд хүчээ сорьж байгаа тул эх орныхоо тамирчдыг урам хайрлан дэмжицгээе!
