Counter-Strike 2 (CS2) төрлийн дэлхийн хамгийн нэр хүндтэй тэмцээн болох “BLAST.tv Austin Major 2025” АНУ-ын Аустин хотноо үргэлжилж байна. Энэхүү тэмцээнд Азийг төлөөлөн оролцож буй Монголын “The MongolZ” баг өнгөрсөн шөнө тэмцээний эхний ялалтаа авснаар дэлхийн аваргын төлөөх өрсөлдөөндөө итгэлтэйгээр урагшилж байна.
Тус баг эхний тоглолтоо Бразилын “FURIA” багийн эсрэг “bo1” буюу нэг map дээр ялагчийг тодруулах форматаар хийж, 11:13 гэсэн харьцаатай тун өрсөлдөөнтэй ялагдал хүлээсэн. Эгзэгтэй мөчүүдэд хэд хэдэн боломж алдагдсан ч тэд хурдан сэргэж, дараагийн тоглолтдоо бүрэн төвлөрч чадсан юм.
АНУ-ын алдарт “Team Liquid” багтай хийсэн хоёр дахь тоглолтод “The MongolZ” баг 13:7 онооны харьцаатай хожиж, тэмцээний эхний ялалтаа авлаа. Тэд эхний үеийн төгсгөлд долоон раунд дараалан хожсоноор тоглолтын хэмнэлийг бүрэн гартаа авч, хоёрдугаар хагаст ч давамгай байдлаа хадгалж чадсан юм.
Ийнхүү “The MongolZ” баг нэг ялалт, нэг ялагдлын амжилтаар хүснэгтийн 8-р байрт бичигдэж байна. Тэд гурав дахь тоглолтоо өнөө шөнийн 00:15 цагт Хятадын “Lynn Vision” багийн эсрэг хийхээр бэлтгэж байна.
Нийт 1.2 сая ам.долларын шагналын сантай энэхүү ДАШТ-д 32 баг гурван шатанд хуваагдан тойргийн журмаар өрсөлдөж байна. Нэг баг таван тоглолт хийх бөгөөд гурван удаа хожсон багууд дараагийн шат руу шууд шалгарна. Харин гуравдугаар шатнаас шалгарсан багууд Playoffs шатанд нэвтэрч, нугалааны зарчмаар тэмцээний аваргыг тодруулна.
“The MongolZ” багийг олон улсын хэмжээнд амжилттай оролцоход тэдний ивээн тэтгэгч 1xBet-ийн дэмжлэг чухал үүрэг гүйцэтгэж байгаа нь тэмцээний явцад улам мэдрэгдэж байна.
2 сэтгэгдэл
Итгэмээргүй! Тэд Liquid-ийн эсрэг ялалт байгуулж, 5:0-ийн харьцаатай ч гэсэн – залуус үнэхээр тоглолтын урсгалыг эргүүлж чадсан. Сайн байна!
Шингэн нь 0-2 хэцүү байрлалд байгаа бөгөөд бидний 1-1 нь аль хэдийн сайн үр дүн юм